Popular Bible Verses from EXODUS 3

Share

Tin, Pathianin Mosia hnênah, “AWMA KA NI, nangin Israela thlahte hnênah chuan, ‘AWMA chuan in hnênah mi rawn tîr a ni e,’ i ti tûr a ni,” a ti a.

Tin, ani chuan, “I hnênah ka awm dâwn alâwm; tichuan, keima tirh ngei i ni tih hei hi i tân chhinchhiahna a ni ang: Aigupta ram ata mite chu i rawn hruai chhuah hunah chuan, he tlâng ngeiah hian Pathian rawng in la bâwl ang,” a ti a.

Tin, Pathian chuan, “Rawn hnaih suh khai. I kephah ata i pheikhawkte kha phelh rawh, i dinna hmun kha lei thianghlim a ni e,” a ti a.

Tin, LALPA chuan, “Aigupta rama ka mi awmte chu an hrehawmzia ka hmu reng asin, anmahni vêngtute avânga an au thâwmte chu ka lo hria a, an lungngaihnate chu ka hre reng si a. Tichuan, Aigupta-ho lak ata chhan him tûr leh chumi ram ata chu hruai chhuaka, Kanaan-hote, Hit-hote, Amor-hote, Periz-hote, Hiv-hote, Jebus-hote awmna ram ṭha tak leh zau tak, hnute tui leh khawizu luanna rama hruai lût tûrin ka lo chhuk ta a ni.

Tin, hnim bukah LALPA vântirhkoh hi mei alhin a hnênah a rawn inlâr a. Tin, a han en a, ngai teh, hnim buk chu meiin a kâng a, a hnim buka erawh chu a kâng ral si lo.

Chuvângin, hawh teh, ka mi Israela thlahte chu Aigupta ram ata hruai chhuak tûrin Pharaoa hnênah ka tîr ang che,” a ti a.