Popular Bible Verses from 2 PETERA 1

Share

Ama ropuina leh ṭhatna zâra min kotu, a chanchin hriat avângin a Pathian thiltihtheihnain nunna leh Pathian ngaihsakna lam kawngah chuan thil zawng zawng min pe si a. Chûng zârah chuan a thutiam hlu tak leh ropui nasa takte chu min pe a ni; chutichuan, châkna avânga khawvêla chhiatna lo awm hi tlân chhuahsan tawhin, chûng thutiam hlu tak leh ropui nasa takte avâng chuan, Pathian nungchang in ṭâwmpui ve thei ang.

A ni, chumi avâng tak chuan taihmâk tinrêng chhuahin, in rinnaah chuan ṭhatna telh ula, in ṭhatnaah chuan hriatna telh ula, in hriatnaah chuan insûmna telh ula, in insûmnaah chuan chhelna telh ula, in chhelnaah chuan Pathian ngaihsakna telh ula; in Pathian ngaihsaknaah chuan unaute hmangaihna telh ula, in unaute hmangaihnaah chuan hmangaihna telh rawh u.

Chûng chu in ta a niha, a pun zêl si chuan, kan Lalpa Isua Krista hriatna kawngah hian thatchhe lo leh rah lo lovin a siam ṭhîn che u a ni.

Chuvângin, unaute u, a kohna leh a thlanna che u chu tinghet tûrin taihmâk chhuah lehzual rawh u; chûng chu in tih zawngin eng tikah mah in tlu lo vang