Popular Bible Verses from 2 KORINTH 5

Share

Chumi avâng chuan tu pawh Kristaa a awm chuan thilsiam thar a lo ni a; thil hluite chu a ral ta a; ngai teh u, a lo thar ta.

Amahah chuan Pathian felna kan lo nih theihna tûrin, sual rêng rêng hre lo chu Pathianin keimahni avângin sualah a siam a.

(hmu theia kal lovin, rinnain kan kal zâwk si a)

Nimahsela, engkim hi Pathian hnên ata chhuak a ni a; ani chuan Krista avângin amah nên inremin min siam a, inremna rawngbâwl hna min pe a; khatia, Pathianin Kristaah chuan khawvêl hi amah nên inremin a siama, an bawhchhiatnate chu bawhchhiatnaa ruatsak lova, inremna thu min kawltîr kha.

Chutichuan, Krista aia palai kan ni a, Pathianin keimahni min hmangin a ngên chiam che u tih theih a ni; “Pathian nên lo inrem rawh u,” tiin Krista aiah kan ngên che u a ni.

tin, a nungte chu anmahni tân an nun tawh loh va, an thih aia thia tho leha tân chuan an nun tawh zâwkna tûrin a ni mi zawng zawng thih aiin a thih ni. Chumi avâng chuan tûn achinah hian keini zawngin tisa lamah chuan tu mah kan hre tawh lo vang; tisa lamah Krista chu lo hre tawh mah ila, tûnah zawng kan hre leh tawh lo ve.

Krista hmangaihna chuan min tîr lui a ni; heti hian kan ngaihtuah: mi zawng zawng thih aiin mi pakhat a thi a; chuvângin, mi zawng zawng chu an thi a ni