Popular Bible Verses from 2 KORINTH 1

Share

Kan Lalpa Isua Krista Pathian leh Pa, khawngaihnate Pa leh thlamuanna zawng zawng Pathian chu fakin awm rawh se. Pathianin keimahni min thlamuanna ngeiin, hrehawm eng anga awmte pawh chu kan thlamuan ve theihna tûrin, ani chuan kan hrehawmna zawng zawngah min thlamuan ṭhîn.

Krista tuarnate chu kan chunga a chuang a liam ang tak hian, kan thlamuanna hi Krista zârah a chuang a liam a ni.

A ni, thih mai chauh hmabâk tawhin kan inhria a, mahni inring lova, Pathian, mitthi kaithotu chu kan rin zâwk theihna tûr a lo ni.

Tin, Kristaa nangmahni nêna min tinghettu leh keini hriak min thihtu chu Pathian a ni; ani chu min chhinchhiahtu leh kan thinlunga zakhamna Thlarau min petu a ni bawk a.

Nimahsela, hrehawma kan awm leh, nangmahni thlamuanna tûr leh chhandamna tûr a ni a; thlamuana kan awm leh, nangmahni thlamuan vena tûr a ni a, chu chuan kan hrehawm tuar bawk hi chhel taka in tuarnaah chuan a thawk ṭhîn a ni.