Popular Bible Verses from 1 PETERA 4

Share

Eng dang zawng aiin inhmangaih tawn uar rawh u; hmangaihnain sual tam tak a khuh si ṭhîn a.

mi tinin thilpêk in hmuh ang zêlin Pathian khawngaihna tinrêng enkawltu ṭhate angin, chûng chuan rawng inbâwl tawn ṭheuh rawh u.

Mi tu pawhin thu a sawi chuan, Pathian thute angin sawi rawh se; mi tu pawhin rawng a bâwl chuan, Pathianin chakna a pêk ang zêlin bâwl rawh se; chutichuan, Isua Krista avângin Pathian chu thil engkimah chawimawiin a awm thei ang, ropuina leh rorêlna chu chatuana ama ta a ni si a. Amen.

Amaherawhchu, Kristian a nih vângin tuar sela, zak suh se.

Nimahsela, thil zawng zawng tâwpna chu a hnai tawh a; chuvângin, in ṭawngṭai theih nân rilru fel tak puin fîmkhur rawh u.

Duh takte u, in zînga fiahna nasa tak lo awm, nangmahni fiahna tûra in chunga lo thleng hi, thilmak in chunga lo thleng angin mak ti suh u. Krista tuarnaahte tuarpuitute in nih avângin lâwm zâwk rawh u; chutichuan, a ropuina a lo lan hunah chuan nangni pawh hlim takin in lâwm thei ang.

Phunnawi lovin inmikhual tawn ula

Chuvângin, Pathian remtih zâwng anga tuarte chuan, thil ṭha tiin an thlaraute chu Siamtu rinawm tak hnênah kawltîr rawh se.

Chutichuan, Kristan tisaa a tuar avângin nangni pawh chutiang rilrûknain inthuam ve rawh u; tisaa tuar tawh chuan sual a bânsan tawh si a; chutichuan, tûn hnuah tisaa in la awm chhûng zawngin mihring châkna lamahte awm tawh lovin, Pathian duh zâwng lamah in awm tawh ang.

Krista hming avânga hau in nih chuan in eng a thâwl e; Thlarau ropui tak, Pathian Thlarau chu in chungah a awm si a.