Popular Bible Verses from 1 KORINTH 15

Share

Chuvângin, ka unau duh takte u, nghet takin, tihchêt rual lohvin, Lalpa hna ṭhahnemngai taka thawk fovin awm rawh u, in thawhrimna chu Lalpaah chuan a thlâwn ngai lo tih in hre si a.

Nimahsela, kan Lalpa Isua Krista zâra hnehna min petu Pathian hnênah chuan lâwmthu awm rawh se.

Bumin awm suh u; “Ṭhian sualte chuan nungchang ṭha an tikhawlo ṭhîn.”

Nimahsela, Pathian khawngaihna avângin ka nih nih ka ni ta; tin, a khawngaihna mi pêk chu a thlâwnin a awm lo va; chutih ahnêkin anmahni zawng zawng aiin ka thawh rim zâwk kha; nimahsela, keimahin ka thawk lo va, Pathian khawngaihna ka hnêna awm khân a thawk zâwk a ni.

Aw thihna, i hnehna chu khawiah nge a awm tâk? Aw thihna, i tûr chu khawiah nge a awm tâk? Thihna tûr chu sual a ni a; sual thiltihtheihna chu dân thu chu a ni.

Ngai teh u, thurûk ka hrilh dâwn che u hi: kan zain kan muhîl kher lo vang a; nimahsela, kan zain tawtawrâwt hnuhnûng ber rîk hunah chuan rei lo têah, mit khap kâr lovah tihdanglamin kan awm vek tawh ang; tawtawrâwt chu a ri dâwn si a; chutichuan, mitthite chu ṭawih thei lova kaihthawhin an awm ang a, keini pawh tihdanglamin kan awm tawh ang.

Mihring vânga thihna a lo awm avângin, mihring avâng vêkin mitthi thawhlehna a lo awm ta bawk a. Adama-ah chuan mi zawng zawng an thi ṭhîn ang hian, Krista-ah chuan mi zawng zawng tihnunin an awm bawk ang.

He ṭawih thei hian ṭawih theih lohna a sin tûr a ni a, he thi thei pawh hian thih theih lohna a sin bawk tûr a ni.

a hmêlma zawng zawng a ke hnuaia a dah hma loh chuan, ani chu lalah a awm tûr rêng a ni si a. Hmêlma hnuhnûng ber tihbova awm tûr chu thihna hi a ni.