Popular Bible Verses from 1 KORINTH 13

Share

Hmangaihnain a dawh thei a, ngil a nei bawk ṭhîn; hmangaihnain a îtsîk lo va; hmangaihna a infak lo va, a uang lo va, a che mawi lo lo va, mahni hma a sial lo va, a thinur duh lo va, sual lamah a ngaihtuah lo va

engkim a tuar hrâm hrâm a, engkim a ring a, engkim a beisei a, engkim a tuar chhuak ṭhîn.

fel lohnaah a lâwm lo va, thutak erawh chu a lawmpui ṭhîn a

Chutichuan, hêng pathum - rinna te, beiseina te, hmangaihna te hi a awm reng ang; tin, hêngahte hian a ropui ber chu hmangaihna hi a ni.

Hmangaihna hi eng tikah mah a reh lo vang; amaherawhchu, thu hrilnate hi awm mah sela tihbân a la ni ang a; ṭawng hriat lohte hi awm mah sela a la bâng ang a; hriatna hi awm mah sela tihbân a la ni ang.

Mihring ṭawngte leh vântirhkoh ṭawngtein thu sawi mah ila, hmangaihna ka neih si loh chuan dâr ri mai mai emaw, dârbenthek ri mai mai emaw ka lo ni ang.

Tin, thuhrilh theihna neiin, thurûk zawng zawng leh hriatna zawng zawng hre vek mah ila, tlâng sawn theihna khawp hial rinna famkim nei mah ila, hmangaihna ka neih si loh chuan eng mah ka ni lo vang.

Tin, mi retheite châwm nân ka sum zawng zawng pe vek mah ila, ka taksa pawh kâng tûrin inpe mah ila, hmangaihna ka neih si loh chuan ka tân eng mah a sâwt lo vang.

Ka naupan laiin naupang ṭawngin ka ṭawng a, naupang hriatin ka hria a, naupang ngaihtuahin ka ngaihtuah ṭhin; tûna ka lo puitlin hnu hian naupang tih dân chu ka bân tawh.