Popular Bible Verses from Matthew 21

Share

Koutou poi too, kago ga'u e koutou nia kago haka ene 'aki ai koutou i te sogi.”

Ma te haka tau a Jesus o hai atu, “Ko Au e gea maa'ogi atu kia te koutou: Koutou poi pau o too mogimogi kia te 'Aitu ma te he'e mou tegeu'a, e he'e manga hai e koutou nia kua hai ki te ‘fig’ nei, ka koutou ka go 'aonga ma'u te hai atu ki te ogo nei: ‘Hinatu o too ki te moana,’ kago hai.

Te 'apitanga noko mumu'a kogaa kae mumugi kogaa ia Jesus, o manga ngengege ngatahi o hai ake, “Te haka e'eha kia te Hosa o David! Te haka gaoinga kia te Ia e a'u i te ingoa o te 'Aitu! Te haka e'eha kia te 'Aitu Ma'u 'agunga.”

Ma te hai atu kia te kigatou, “Na 'oti i te kanukanu: ‘Toku Hage e hai kego mate: Te Hage Takunga,’ ka kua hai e koutou o hai ai te 'ana ki na pegea kaia'a.”

“Hai atu ki te Tama'ahine a Zion: Ina 'atu, te hakahua o 'ou e a'u kia te koe. E haka ma'ugago o eke o a'u i te donki ma te punua tangata a te donki.”

Hai atu a Jesus kia te kigatou, “ 'Ai koutou e he'e haka sahe i na Kanukanu Tapu e hai ake: ‘Te hatu na he'e siahahai kinai na pegea 'ati hage, na hai ai te tokoi ki te hage. Te hai 'anga a te 'Aitu tenei, kae hu'ai maatanga gaoi ki otatou mata.’

Kogaa na noho te hai 'anga e hai atu ai Au kia te koutou: Te Hakahua 'anga a te 'Aitu, e hai ke go sa'u ia te koutou, o haiga'a ki na pegea kago hai hekau gaoi o tau hua.