Popular Bible Verses from Maafiù 11

Share

Wo Jisɛ̀ naŋ ɓɛìŋ woò wààŋ, “Hnaìŋ ko nɛ̀ɛ̀ŋ miìŋ, nyɛ̀iŋ nyàŋ kinɛiŋ nìŋ yaà kɔ̀ɔ̀yɛ̀ e keì nyìnga dìì e nyaàiŋ dè e yèɛ aŋ kààmɔ̀ɔ̀ŋ maŋ Sàwà nyaŋ naiŋ woò yèè àŋ naiŋ gbùwò ɗì maŋ, yèè mìŋ doiŋ nàŋ gè maŋ keì nyìnga bi ɗì.

Ɓèmeìŋ wɔŋ nɛ̀ŋfoo mùŋga miɔ̀ŋ niŋ jàà wuŋ maŋ gbaiŋ màŋ diɛŋ, yèè niŋ gbeèim sìwè. Esaɓù kɛ̀ mìŋ kuwa ke kpèè siaŋ yèè ke jii tɔumtɔ̀ùm, yèè nìŋ do nàŋ yɛ̀mɛ̀ ko gììyè nyiiŋ wèè wɔŋ nyììŋ jinàiŋ nɔɔ̀ŋ.

Wɔŋ nɛ̀ŋfoo mùŋgaà mìŋ doiŋ nàŋ kiɛ̀ŋ wɔŋ gò nyìngà kòa, yèè wɔŋ nɛ̀ŋfooɔ̀ mìŋ doiŋ nàŋ jàà ɗì wɔŋ, wɔŋ fè mùŋgà.”

“Wo Dayà wo Dèda miɔ̀ŋ wòim kìɛ̀ŋ manɛ̀ŋ maŋ gbiŋ. Wo nyùùŋ bà gbiŋ nyimààŋ miàim wò Jɔ̀àfelaaà sɔɔ̀ nɔŋ wo Dèdaà wuŋ guùŋ, yèè wo nyùùŋ bà gbiŋ nyimààŋ miàim wo Jɔ̀àfelaaà sɔɔ̀ nɔŋ wo Dèdaà yaà aŋ yè nyaŋ miàim wo Jɔ̀àfelaaà naŋ tàeɗùù nyaŋ wèè ka nyiŋ tɔɔ̀ kɛ̀ ɓòò nàŋ yaà wo Dèdaà.”

Wo Jisɛ̀ naŋ nyiŋ fasàì wààŋ, “Kɛ̀ɛìŋ maŋjɛ̀wɛ yèè niŋ woò wo Jɔ̀ɔŋ e yèɛ nìŋ naŋ kòmò yèè nìŋ naŋ yɛmɛ̀ lɛ. Anyuùŋ zììlè le fɛ̀ɛ̀ nyaŋ àŋ yɛ̀mɛ̀ dìì, yèè anyuùŋ gò ɓɛ̀nɛ̀ŋ kàaiŋ tɛ̀ɛ̀ nyaŋ àŋ kaaìŋ naàŋ tɛ̀ɛ̀. Anyuùŋ kɛ̀ɛ̀nɛ̀ŋ e sààŋ maŋkùnù nyaŋ àŋ nɔ̀ŋ zɛ̀nɛŋ nyiŋ, yèè anyuùŋ kpùɔ̀ŋ maŋ nùŋ nyaŋ komo naàŋ maŋ kàìŋ. Anyuùŋ fàa nyàŋ yèwà e fàaà dìì koɓɛ̀ wɔŋ nyiiŋ gèe, yèè àŋ wòò ke mìè gbìàŋ Ebò Siaàŋ koɓɛ̀ anyuùŋ pɔ̀ɔ nyàŋ.

Weètii, jàaìŋ maŋ nùŋ dìì tɛ̀ɛ̀ sèè nìŋ kɛɛnɛ̀ŋ maŋ nùŋ!