Popular Bible Verses from Jɔ̀ɔŋ 17

Share

Jaà nyiŋ e ɓula wèè muàŋ bi esàɓù e tɔ̀ɔ̀nyaàŋ mɔ̀ɛ̀. Ke miè mɔɛ̀ŋ kè yaà e tɔ̀ɔ̀nyaàŋ.

Yèè wɔŋ nyiiŋ gèe gò jùàa nàŋ yaà, wèè aum nyìmàŋ kɛ̀ muàŋ nàŋ yaà wo Dàyà tɔ̀ɔ̀nyaàaŋ, yèè aŋ nyìmàŋ miàim wo Jisɛ̀ Kulaì, wo yèɔ mùŋ naŋ tùɔ̀ŋ wɔ.

“Miŋ fè nɔŋ zoolo wèè ànyùùŋ màŋjɛ̀wɛ̀im nyɛɛ̀ŋ nyiŋ guùŋ. Mìŋ yaà pɛɛ zoolo wèè anyùùŋ nyaŋ gbiŋ do nàŋ kɛ̀ɛ̀nɛ̀ŋ e hààwe esàɓù e yèɛ anyùùŋ màŋjɛ̀wɛ̀im nyàŋ naŋ nyiŋ woò lɛ e nyaàiŋ eim dè. Dèda, mìŋ zoolà wèè aŋ gbiŋ aŋ nɔ̀ŋ anyùùŋ guùŋ koɓɛ̀ aŋ dàwi nyiŋ nyàŋ, màànààŋ nɔŋ mìŋ yaà wò guùŋ mìŋ yààùm ko sùà lɛ, yèè mùŋ yaà wò guùŋ mùŋ yààìm ko sùà. Kpeiŋ kɛ̀ anyùùŋ nyaŋ e ɗuunyaŋ lɛɛ̀ do nàŋ haawè kɛ̀ muàŋ naim tùɔ̀ŋ.

Dèda, miŋ gòum dawè wèè maŋ gè anyùùŋ màŋjɛ̀wɛ̀im nyàŋ è ɗuunyaŋ lɛɛ̀ sùà, kɛɛ muŋ yɛmɛ̀ nyiŋ diɛŋ e yìwìà wo Sɛ̀tanàaŋ sìwè.

Kà dɛ̀ɛ̀kɛ̀ anyùùŋ màŋjɛ̀wɛ̀im nyàŋ e ɗèwè guùŋ nɛ mùŋ naim dɛɛkɛ̀ lɛ, wèè kɛ̀ aŋ nɔ̀ŋ anyùùŋ guùŋ aŋ dàwi nyiŋ nyàŋ sùà, màànààŋ nɔŋ yàwium è yaà guùŋ aŋ dàwi sùà lɛ. Mìŋ yaà nyiìŋ ko sùà, yèè mùŋ yààìm ko sùà, wèè kɛ̀ aŋ gbiŋ aŋ nɔ̀ŋ anyùùŋ guùŋ aŋ dàwi nyiŋ nyàŋ sùà, wèè kɛ̀ anyùùŋ nyaŋ e ɗuunyaàŋ aŋ nyìmàŋ kɛ̀ muàŋ naim tùɔ̀ŋ yèè kɛ̀ mùŋ mànàŋ nyiìŋ màànààŋ nɔŋ mùŋ mànàìm lɛ.