Popular Bible Verses from Mateus 27

Share

Dukeje čare Jesus makore tugudu tabo nou boe ewadaru tabo. Akore: – Eli, Eli lemá sabactani? Boe ewadaru tabore akore: – Pao Kurireu, Pao Kurireu! Kaba kodiba are akera ra ipiji? – Dujire akoino tuwadaru tabo.

Čare rore puku je nou areia kurireu bararere Pao Kurireu uwai ja tadawu ure tuwowuje nou bai ja oto piji moto ka. Moto magadugodure. Nou tori boe ere tuwowuje. Bireuge eiari ere tuiado jamedu. Nono meartorure Pao Kurireu jiwuge bireuge eewodure pugeje. Emagare rugadu.

Nono Jesus kudugodu rakare dukeje bire.

Mare aino nou Romano doge tugobaigarege eimijera jordure moto magadugodure duji. Nou tugobaigarege erdure jamedu. Eiamedu boe erdure nou inodu boeji. Dukodire epagudugodure rugadu. Egore: – Boe rugadu! Awu imedu nure Pao Kurireu onaregeduče rugadu.

Meri aregodure pagaia ka dukeje boečodure moto jamedu boe parugajeje. Boečodure rugadu. Nou boečo kodure kuri toro nou três hora ka.

Dukeje čare Pilatos unarare pugeje. Akore: – Nuba iromode awu boe egoino umode boe ekinorudowu Jesusji? Nou boe eiamedu boe egore: – Bito ipo padure pugajejewu keje rugadu! Pilatos akore: – Kodiba tagagoino? Ro pegareu pa? Mare ewiapagakare ji. Ere tugudu rakado. Egore: – Bito ipo padure pugajejewu keje rugadu!