Popular Bible Verses from ISAIJA 51

Share

Jiena, jien hu li nfarraġkom! Min int biex tibża’ minn bniedem li jmut? Minn bin Adam li bħal ħaxix jitqies?

Jien qegħedt kliemi fuq fommok, u b’dell idi għattejtek, biex frixt is-smewwiet, u sejjist l-art, u għedt lil Sijon: “Inti l-poplu tiegħi.”

Isimgħuni, intom li tagħrfu l-ġustizzja; poplu li għandek il-liġi tiegħi f’qalbek. La tibżgħux mit-tagħjir tan-nies; u minn tkasbirhom la tiregħxux.

Għax il-Mulej iħenn għal Sijon; iħenn għall-ħrieb kollha tagħha. Jagħmel Għeden mid-deżert u ġnien tal-Mulej mix-xagħri tagħha. Fiha jinsabu ferħ u hena, tifħir u għana bid-daqq.

Lura jerġgħu l-mifdija tal-Mulej, u jidħlu f’Sijon b’għajjat ta’ ferħ. Iroxx fuqhom hena għal dejjem; hena u ferħ jiksbu, u jgħibu n-niket u t-tnehid!