Popular Bible Verses from Génesis 37

Share

José tsi' cha'le ñajal, tsi' su'be i yʌscuñob chuqui tsi' q'uele ti' ñajal; ixcu i yʌscuñob tsa' caji ñumen ts'a'leñob.

Israel tsi' ñumen c'uxbi José che' bajche' yaño' bʌ i yalobilob, come José tsi' yila pañimil che' ñoxix i tat yic'ot tsi' melbe pʌl bʌ i bujc am bʌ ca'bʌl i ts'ijbal.

Che' bʌ tsi' q'ueleyob i yʌscuñob ñumen c'uxbibil José bajche'ob, tsi' ts'a'leyob yic'ot mach chʌn uts'atix tsa' caji pejcañob.

Ti wi'il tsi' cha' cha'le ñajal, tsi' cha' su'beyob i yʌscuñob, tsi' yʌlʌ: —Tsa' c cha' cha'le ñajal. Tsa' c ñajle cha'añ jiñi q'uiñ yic'ot uw yic'ot junlujump'ejl ec' tsi' c'uchchocoyob i bʌ tic tojlel.

I yerañob tsʌytsʌyñayob i pusic'al ti' tojlel José, pero i tat tsi' chʌn ña'tʌbe i t'añ.

José tsi' su'beyob: —Wʌle ñʌch'tanla chuqui tsa' c ñajle: Woli lac set cʌche' trigo ya' ti jamil, jiñi jam set cʌchbil bʌ c cha'añ tsa' wa'le, ixcu jiñi jam set cʌchbil bʌ la' cha'añ tsi' joy tempayob i bʌ, tsi' c'uchchocoyob i bʌ ti' tojlel jiñi set cʌchbil bʌ c cha'añ.

Wʌle la' lac tsʌnsan, la' lac choc ochel ti pozo, ti wi'il mi lac su'b: “Tsi' c'uxu jontol bʌ bʌte'el.” Che' jiñi mi caj laj q'uel bajche' mi caj i loq'uel isujmlel i ñajal.

Che' woli' ñumelob xchoñoñelob ch'oyolo' bʌ ti Madián, tsi' loc'sayob José ti jiñi pozo, tsi' chombeyob jiñi ismaelob ti junc'al plata taq'uiñ. Jiñi ismaelob tsi' pʌyʌyob majlel José ti Egipto.

Tsi' tem su'beyob i bʌ: —¡Ya' tilel jiñi xñajal!

Ba' ora i yʌscuñob tsi' q'ueleyob che' ñajt to i tilel José, che' maxto c'otemic José ba'añob, tsi' tem ña'tayob cha'añ mi' tsʌnsañob.

Tsi' yʌlʌ ja'el: —Mach la' bec' ch'ich'; chocola ochel ti pozo am bʌ ti jochol bʌ lum, pero mach yomic mi' chʌmel ti la' c'ʌb. Che'ʌch tsi' ñopo i coltañ José ti' c'ʌb i yʌscuñob cha'añ mi' mejlel i cha' pʌy sujtel ti' tojlel i tat.