Popular Bible Verses from Génesis 32

Share

Jiñi cha'añ jiñi wiñic tsi' yʌlʌ: —Ma'añix mi caj a chʌn pejcʌntel ti Jacob, mi caj a pejcʌntel ti Israel, come tsa' ñolch'i Dios yic'ot wiñicob x'ixicob, tsa' mʌjli a cha'añ.

Jiñi wiñic tsi' yʌlʌ: —Cʌyʌyoñix, come wolix i sʌc'an pañimil. Jacob tsi' jac'be: —Ma'añic mi caj j cʌyet jinto ma' wʌq'ueñon i yutslel a t'añ.

Che'ʌch tsa' cʌle Jacob ti' bajñelil. Tsa' tili juntiquil wiñic i taj, tsi' ñolch'iyob i bʌ c'ʌlʌl tsa' sʌc'a pañimil.

Jacob tsi' yotsʌbe i c'aba' ti Peniel jiñi ajñibʌl, come tsi' yʌlʌ: “Tsa' j q'uelbe i wut Dios, ma'añic tsi' tsʌnsayon.”

Che' bʌ tsi' q'uele jiñi wiñic ma'añic woli' mʌjlel i cha'añ, tsi' tʌlbe i jol i ya' Jacob, tsa' p'ijti i jol i ya' che' bʌ tsi' ñolch'iyob i bʌ.

Jiñi wiñic tsi' c'ajtibe: —¿Chuqui a c'aba'? —Jacob —che' tsi' jac'ʌ.

Jacob tsi' c'ajtibe: —Wʌle su'beñon a c'aba'. Jiñi wiñic tsi' jac'ʌ: —¿Chucoch ma' c'ajtibeñon j c'aba'? Tsi' yʌq'ue i yutslel i t'añ ya'i.

mach uts'atoñic ti a tojlel cha'añ mic taj pejtelel i yutslel yic'ot i xuc'tʌlel a pusic'al tsa' bʌ a pʌsbeyon che' x'e'telon a cha'añ; che' bʌ tsa' c'axiyon ti ili Jordán ja' cojach añ c cha'añ ili te'; wʌle cha'mojton lojon cha'añ tsa' wen p'ojlesayon lojon.

Jiñi cha'añ i yalobilob Israel ma'añic mi' c'uxob i chijil i ya' i yʌlac' am bʌ ti' jol i ya' c'ʌlʌl wʌle, come Dios tsi' tʌlbe i chijil i jol i ya' Jacob.

Ti wi'il tsi' yʌlʌ Jacob ti oración: I Dioset bʌ c tat Abraham, i Dioset bʌ c tat Isaac; c Yumet, tsa' bʌ a su'beyon: Sujten ti a lumal ba'añ a pi'ʌlob, joñon mi caj coltañet

Loc'sañon ti' c'ʌb cʌscun Esaú, come mic bʌc'ñan; ame tilic i lowon lojon yic'ot i ña'ob calobilob yic'ot jiñi alp'eñelob.