Popular Bible Verses from Génesis 26

Share

Yom ma' wajñel ti jiñi lum maxto bʌ a cha'añic. Mi caj cajñel a wic'ot yic'ot mi caj cʌq'ueñet i yutslel c t'añ, come mi caj cʌq'ueñet yic'ot a p'olbal pejtelel ili lum. Mi caj c ts'ʌctesan jiñi t'añ tsa' bʌ c su'be Abraham a tat.

Mi caj c p'ojlesan a p'olbal che' bajche' ec' ti panchan; mi caj cʌq'uen a p'olbal pejtelel ili lum; ti' tojlel a p'olbal mi caj i yʌq'ueñtelob i yutslel c t'añ wiñicob x'ixicob ti pejtelel pañimil, cha'añ tsi' jac'ʌ c t'añ Abraham, yic'ot tsi' mele pejtelel chuqui tac tsa' c su'be, tsi' jac'ʌ c mandar, yic'ot pejtelel j cʌntesa.”

Tsa' loq'ui Isaac ya'i, tsi' piqui yam bʌ pozo, pero ma'añix tsa' tili i contrajiñob cha'añ mi' chilbeñob; jiñi cha'añ tsi' yotsʌbe i c'aba' ti “Rehobot”, come tsi' yʌlʌ: “Wʌle lac Yum tsa'ix i coltayonla, jiñi cha'añ mi caj i p'ojlel lac chu'bʌañ ti ili lum.”

Lac Yum tsi' pʌsʌ i bʌ ba'añ Isaac, tsi' su'be: “Mach ma' majlel ti Egipto; yom ma' chumtʌl ti jiñi lum ba' mi caj c su'beñet.

Jiñi cha'añ Isaac tsi' wa'chocobe i pulʌntib i majtañ Dios ya'i, tsi' pejca lac Yum ti' c'aba'. Ya'i tsi' wa'choco pisil bʌ i yotot. Jiñi i wiñicob Isaac tsi' piquiyob yam bʌ pozo ya'i.