Popular Bible Verses from Məsəloox 22

Share

Əyelə t'ebelxun düz yaq'a laxa, Şo isə q'ojabakat'anal me yaq'axun tene c'eğal.

Əyitə běğsunen q'a Q'ONčUğO çalxsunen Dövlət, şərəf, saal yəşəyinşe eçon.

Şaat' s'i kala var-dövlətəxun, Hörmət q'azayinşbsunal q'ızıl-gümüşəxun üst'üne.

Usum əcuğon biq'alt'uxun dost' ma baka, Usum içuxun c'eğala amdari yaq'a ma baft'a.

Kəsibəxun iz šuma cöybala kulqay amdaren Xeyir-bərəkəte q'azayinşon.

Ə̌xilak'ala amdaren saturběš şərə ak'i şot'oxun t'inet'on, Q'ammazen isə běš taśi ziyane bə̌ğə̌bon.

Varlu amdar kəsibi ağane bakon, Borclu amdaral içu borc tadali k'ule bakon.

Dövlətlü q'a kəsib amdar sa şeyast'at'un suna oşq'ar: P'rannal Yaratmişiyo Q'ONčUXE.

Kəsibə iz fağır baksuna görə fǔq'mapa, Divanbat'an eht'iyəci boş bakalt'u zülüm ma tada. Şot'aynak' ki, şot'oğoy əşurxo Q'ONčUğON İçin běğale, Şot'oğo fǔq'k'alt'oğo əfçibale.