Popular Bible Verses from Mat'fey 5

Share

Şuk'k'alen pisosa bəc'ük't'i oşa iz loxolxun but'tenekon, ama ext'i alaxune suruk'bon ki, k'oya bakalt'oğoy bitot'aynak' işiğq'an baki. Barta haketərəl və̌st'a bakala işiğenq'an amdarxoynak' işiğ saki, barta efi biq'ala şaat' əşurxo ak'es baki göynul bakala efi Bavay s'iyaq'at'un alabi.

Və̌n me dünyəneynak' sa işiğ k'inək'nan. Buruğoy bel bakala şəhər c'ap' mantenedon.

He bəxt'əvərt'un ük' təmiz bakalorox! Şot'aynak' ki, şot'oğon Buxačuğo ak'alt'un.

He bəxt'əvərt'un düzgünluğeynak' içoğoy cicirxo ç̌ak'alorox! Şot'aynak' ki, şot'oğoy xenezaluğa bot'al bakale.

Zu isə və̌x nexzu ki, ef düşmənxo çurekinan, və̌x pul tadi işiğ nu tadalt'oğoynak' afırıpanan.

«He bəxt'əvərt'un Buxačuğo eht'iyəc bakalorox! Şot'aynak' ki, göye padçağluğ metərt'oğoye.

He bəxt'əvərt'un serluğ qə̌věğalorox! Şot'aynak' ki, şorox Buxačuğoy əylux k'aleğalt'un.

He bəxt'əvərt'un yaslu bakalorox! Şot'aynak' ki, şot'oğo ük' tadeğale.

He bəxt'əvərt'un içoğoy düzgünluğa görə içoğoynak' sa ga nu bə̌ğə̌balorox! Şot'aynak' ki, göye padçağluğ şot'oğoye.

He bəxt'əvərt'un ük' bok'osp'alorox! Şot'aynak' ki, şot'oğoynak'al ük' bok'osp'al bakale.

Amdarxon efi Bezi bač'anexun taysuna görə və̌x içoğoy ǰomo eğalt'u uk'at'an, və̌x pul tadi işiğ nu tadat'an, əfçi əyitp'i ef loxol şər bosat'an bəxt'əvərnan və̌n! Mǔqbakanan, ef ük'q'an qayeśi barta! Şot'aynak' ki, kalane və̌ynak' kot'o görə göynul həzirbaki pay. Axıri və̌xun běš yəşəyinşi xavareçalxonal hake koruğat'un ak'e.

He bəxt'əvərt'un portbalorox! Şot'aynak' ki, şot'oğo mandale me dünyə.

Və̌n me dünyəneynak' sa el k'inək'nan. Ama elen iz elaxoyluğa aç̌esp'it'uxun oşa, şot'o qaydi het'ine elaxoy bes bakon? Metər ela ext'i bot'unst'a c'öş, amdarxoy turin oq'a ç̌axç̌uxesunaxun q'erəz hik'k'ala yarayinştenebsa şo!

Şot'aynak'al nexzu ki, ef göynul bakala Bava noxsansuz bakala k'inək' noxsansuz bakanan və̌nal!

Metərluğen, ef əyitəst'a "hoo" əyit hooq'an baki, "təə" əyit təəq'an baki. Mot'oxun q'erəzo şər bakalt'uxune.

"Pule gala pul, uluğoy gala ulux" əyitəl ibakenan. Zu isə və̌x nexzu ki, va pisluğbalt'uxun əcuğ ma c'evk'a. Vi yön ç̌oyel sillə duği va təhkirbalt'aynak' vi t'iyə̌mi ç̌oyal tarada.

Əgər vi yön piin va günaxane zap'esa, şot'o c'evk'a bosa. Şot'aynak' ki, vaynak' vi bədəni sa hissinə aç̌espsun dirist' bədəni cəhənnəmə bosesunaxun şaat'e. Əgər vi yön kiin va pis yaq'ane zap'esa, şot'o bot'a bosa. Şot'aynak' ki, vaynak' vi bədəni maninesa sa hissinə aç̌espsun dirist' bədəni cəhənnəmə bafst'unaxun şaat'e.