Popular Bible Verses from मत्ती 24

Share

आव मानुवात अधर्मलाव य़ेन बनै ज़ उमचिउए कुधु मिँराए यामया खेस्‍रिज़्या। खाली जो आव दुखर ओमाखेमा पै थ॰रिज़्‍या, होए ज़ अजम्‍बरी जुनी दैन्‍या ले।

परमेस्‍वरए ओराज्‍यालाव आव चाव था संसार भरिलाव काना कुनीङाव प़ाइँ जातलाव मिँराए थैद परमेस्‍वरए ओसाची यादैवत, बल्‍ल आव जुक ब खेम्‍न्‍या ले।

स़ोनो ‘आङ लरैं ताज़्या, होङ लरैं ताज़्या’ है यालिज़्‍याव जेथैक जे ताछे·च्‍यो। आव जुनी ब ताव ज़ परिए, खाली नो खेम्‍न्‍या बेला माःक।

नोकिन ङ़ादा जात जात, राज्‍या राज्‍या लरैं दान्‍या लेर। पो पोल भोंचालोर अनिकालर ब तारिज़्‍या। आव भरी मेंमाए ज़ा दैन्‍या बेलाक ओघर्लिज़्याव मिताव सुरूलाव दुख वाज़ लिज़्‍या।

आव नाम नम ते खेम्‍न्‍या ले, ङा ङापाँ ते खर्क ज़ म़ान्‍या माले।”

मिँर ङा ङामिन कुद ‘ङा ज़ ख्रीस’ है लिद कुधु ज़ हुद कुधुलाई याराझुकैरिज़्‍यार।

“नो बेलाक जेलाई मनी जेखिरी पसिद सूँपिद सैःचिरिज़्‍यार। जे ङामिनतावर जेतावए प़ाइँ जातलाव मिँराए सोचिरिज़्‍यार। नो बेलाक कुधुए ज़ यायुँ क़्याद ङालाई ऱास्‍नारिज़्‍यार। नोर ख्‍वा ख्‍वार या याल ब सोसिद धोका यासिरिज़्‍यार। फरी कुधुए ज़ आव ङापाँ बले·द तँदा पैन्‍यार जैसिद कुधुलाई ज़ याराबले·रिज़्‍यार।

येसुए, “जेलाई सुवाराए झुकैचिर्‍या, जे सैंसिद जोगोइसिद लिच्‍यो।

हिताव ज़ जे मनी सैंसिद लिच्‍यो, काराव ल्‍यो ताकिन ङा मिँ मिन्‍सिउ मनी जेमासैंद उमँःजानी ज़ ङाहुरिज़्‍या।”

“है जैद सैंसिद लिच्‍यो, जेप्रभु आव छ्याम हुरिज़्‍या लिन्‍या जेमासैंए।

“नो छ्याम, नो बेला सुए ज़ मासैंर। स्‍वर्गताव चाकर्‍याराए ब मासैंर, परमेस्‍वरए ओज़ाए ब मासैंव, स्‍वर्गताव ङाबाबुए वाज़ सैंज़्‍याव।

ख्‍वार ङा ङामिन कुद ख्रीस जैसिद हुन्‍या लेर, ख्‍वार परमेस्‍वरए उपुरूसनी पाँव जैसिद हुन्‍या लेर। नोराए अचम्‍ब अचम्‍बलाव सरेसर य़ेनर जैद कुधुलाई झुकैन्‍या लेर। परमेस्‍वरए ओराछाँतिउरालाई मनी झुकैन्‍या छ्यास लिज़्‍या।

है जैद ङा मिँ मिन्‍सिउ ङाहुन्‍या बेला नोआए ओपालाकाव मिताव ज़ तारिज़्‍या। नोआए ओपालाकाव मिँर ब ऱीए ओमारागदैवा पै ज़्‍याद ओद, ज्‍यार रेर ब दाव य़ेन ज़ यादोज़्‍याव। नोआ ऱी जहाजल ओमापसिवा पै नोर नो य़ेन दाव ज़ यानैज़्‍याव। ऱीए साम सुम ओमारागदैवा पै ‘इताव गेतारिज़्‍या’ लिन्‍या मासैंकेर। ङा मिँ मिन्‍सिउ ङाहुन्‍या छ्याम ब हिताव ज़ तारिज़्‍या।