Popular Bible Verses from यूहन्‍ना 6

Share

येसुए नोरालाई, “मिँरालाई बाँचैज़्‍याव ज़्‍याव ङा ज़। ङाल्‍योक हुज़्‍याव करेन्‍या माले, ङालाई उयुँ हुप्‍ज़्‍याव खर्क ज़ ऱी छोस्‍न्‍या माले।

क्‍याँलाई बाँचैज़्‍याव पाखाताव रैंःज़्‍यावए माःक, परमेस्‍वरए उपुरूसए ची। जेलाई है ङादाचिउ पाँल मनी उपुरूस उलिज़्यावए हो पाँए ज़ जेबाँचिज़्या।

निताव ज़्‍याद खेम्‍न्‍या भरेसलाई ताखिम्‍च्‍यो, बुरू अजम्‍बरी जुनील लाँज़्‍याव ज़्‍याव खिम्‍चिके। निताव ज़्‍याव ङा मिँ मिन्‍सिउए वाज़ यान्‍या ङाले। होए उजूँनी ज़ परमेस्‍वर ङाबाबुए ङालाई खतैद नैनाव।”

है जैद परमेस्‍वर ङाबाबुए उयुँ आव ज़ — ङा ओज़ालाई रँःद यायुँ हुप्‍ज़्‍यावरालाई संसार खेम्‍न्‍या छ्याम ङा नोरालाई सिउनी सोचोइद अजम्‍बरी जुनील लाँन्‍या ङाले।”

येसुए, “जे परमेस्‍वरए ओय़ेन दान्‍या आव ज़ — परमेस्‍वरए उपरींव ओज़ालाई जेयुँ सुहुप्‍चिके,” है यादोक्‍यो।

हैदी ब ङाबाबु परमेस्‍वरए ओयाँज़्‍याव भरी ङाल्‍योदा ज़ हुज़्‍यार। ङाल्‍योक हुज़्‍याव भरी ङा सुलाई ज़ ङामारासोवोले।

सिमोन पत्रुसए, “प्रभु, गे नँलाई ऱास्‍द सुए ल्‍योदा बान्‍या? अजम्‍बरी जुनील बान्‍या पाँ ते नँस वाज़ लिज़्‍या।

नो स्‍वर्गनी हुव ज़्‍याव ङा ज़। आव ज़्‍याव ज़्‍युज़्‍याव मिँ खर्क ज़ सिन्‍या माले। आव मानुवाताव मिँरालाई बाँचैन्‍याए जूँनी याव ङापैंज़्‍याव ज़्याव आव ङाक्‍याँ ज़।”

ङालाई परींज़्‍याव ङाबाबु परमेस्‍वरए ङाल्‍योदा हुन्‍या युँ जैद ओमाराएकिन सु ज़ ङाल्‍योक माहुधुर। ङाल्‍योदा हुज़्‍यावरालाई ते आव मानुवा ओखेमो छ्याम सोचोइन्‍या ङाले।

ङाबाबु परमेस्‍वरए ओराएज़्‍याव स्‍वर्गनी हुव ज़्‍याव नो ज़ मानुवाताव मिँरालाई बाँचैज़्याव,” है ओरादोक ते

प़ाइँलाई बाँचैज़्‍याव ज़्‍याव ङा ज़।

नोर याच़ुसिउत येसुए नो पाँच गोता भरेस रैद धन्‍याबाद चरैःद ‘नो च़ुसिद लिज़्‍यावराए घज़्‍युरक’ लिद भाःद याएक्‍यो। फरी नो ऩेब्‍लो ङाँःनिलाई मनी हिताव ज़ जैद भाःद याएक्‍यो। नोराए याफू तसी ज़्‍युकेर। नोर ज़्‍याद यावाँःवत उसिसरालाई, “नो ज़्‍यादकाव यासय़ेलोर तके ब माख्यानैद दुप्‍चिके,” है ओरादोक ते

हितावल ज़ यादोङ्गालाई छ किलोमितरवा यालाँवत येसु ऱी तर्त तर्त याल्‍योदा उहुज़्‍याव रँःद बनै छे·केर। हाःत ज़ येसुए, “ताछे·च्‍यो, ङा ची,” है ओरादोक ते