Popular Bible Verses from यूहन्‍ना 15

Share

“ङा जोम्‍परसैए ओजरा ज़, जे ओखारर ज़। जे नो खार माँःती ङाक्‍याँत जेलिकिन ङा मनी जेस ज़ तान्‍या ङाले। ननी ज़ बनै जेसै ल्‍योर तान्‍या जेले। ङा जेस ङामालिकिन जेनी काता ज़ दाधुन्‍या जेमाले।

है जैद जे ङास ज़ लिचिके, ङा जेस ज़ लिन्‍या ङाले। किताव जोम्‍परसैए ओखार ओक्‍याँत जोरैसिउ ओमालिकिन ओसै ब माझाःव, हिताव ज़ जे मनी ङाक्‍याँत जेमालिकिन जेसै ज़ झाःन्‍या जेमाले।

खाली जे ङाक्‍याँत लिद ङापाँर भैंःद जेयुँल जेनैकिन, जो जेपैंदी ब दैन्‍या जेले।

जे फरी ङालाई जे जेछाँतिनाव माःक, बुरू ङा जेलाई थ॰रिन्‍या सैर ओझाःनारक लिद छाँतिद ङाखतैचिके। है जैद जे परमेस्‍वर ङाबाबुस ङा ङामिननी जेऩिउ भरी यान्‍या ले।

नैं मेंए ल्‍योदा मया उलिज़्‍याव आनी ज़ रैंःज़्‍या — जोए ओनैंए उजूँनी उजिउ झाःज़्‍याव, हो ज़ प़ाइँरानी घेप्‍पा मया।

ङाक्‍याँताव यासै माझाःज़्‍याव खार भरी ङाबाबुए यालो·ज़्‍याव। फरी यासै झाःज़्‍याव खार भरी झन ज़ घझाःवक लिद नत ताज़्‍याव तके दँ जोखारीर ब याच़म्‍ज़्याव।

“जेलाई ख्यानैद ङायाचिज़्‍याव दान्‍या य़ेन आव ज़, किताव ङा जेलाई मया ङादाचिउ, हिताव ज़ जे मनी तोबोए तोबोलाई मया दासिच्‍यो।

जे बनै जेसैर झाःद ङासिसर तान्‍या मितावर जेताकिन परमेस्‍वर ङाबाबुए उमिन ननी ज़ घ्योःन्‍या ले।

“ङा जोम्‍परसैए साचो ओजरा ज़, ङाबाबु जोम्‍परसैए ओर्गे ज़।

ङाक्‍याँत मालिज़्‍यावर ते पल्‍द ख्यासिउ खार उथँव मिताव अऩाकलावर तान्‍या लेर। निताव खारर दुप्‍द मेंःल झाःद चुयाप जैन्‍या वाज़ ताज़्‍या।

ङाल्‍योनिकाव होलाँ तान्‍या युँ जेस ओताक, स़ोनो नो होलाँ तान्‍या प़ाइँत ओयो·क लिद आव पाँ भरी है दाद ङानैचिए।

ङापाँ भरी भैंःद जेदोकिन, जेल्‍योदा लिज़्‍याव ङामयाल ज़ लिन्‍या जेले। ङा मनी परमेस्‍वर ङाबाबुए ओपाँ भरी भैंःद दाद ङाल्‍योदा लिज़्‍याव ओमयाल ज़ ङालिज़्‍या।

फरी ब नो दान्‍या य़ेन ज़ ख्यानैद ङायाचिज़्‍या — तोबोए तोबोलाई मया दासिच्‍यो।”

जे आव मानुवानी तावर जेताव ताकिन आव मानुवाताव मिँराए गेमींर लिद मया दाचिखेरहो। खाली ङा जेलाई आव मानुवानी ङाछाँतिचिउए जे आव मानुवातावर माःक। है जैद मानुवाताव मिँराए जेलाई सोचिज़्‍यार।