Popular Bible Verses from MARK 6

Share

Te ah te aka cet oen aka law thlaang ayahawh aih dawngah Jesuh oen a hubang hue te buh caak ham atue Pateng khaw khueh u nawh. Tedawngah ahimi nala te, “Ading asuekna huen la cet u silang tah mami bueng awm u lah sih, te ah te kawlkalh khaw na duem u thai ai,” a tina.

Jesuh lawng ahimi nala, “Tawngha he amah awmna khawpui oen amah kah huiakaw oen ah amah imkhuikaw thui muehla huen tloe boeih atah a hinyah u” a tina.

Lowng khui kalawng Jesuh a suntlaak vengah thlaangping te a huh, ahimi te doenkung aka awm nawh tuu angla a awm u te a huh vengah a reen tangkiik. Tedawngah thaihu yahawh hlang a cang puei.

Te ah te thlaangtlo ayawl sawah kut a tloeng tih a hoeih sak, te bueng nawh atah atloe kawpoek raina n'tu khaw sai nawh. Thlaangping lawngah Oengna a khueh u nawh dawngah Jesuh tah a kawpoek rai sut. Tecoeng atah Jesuh lawng te kah vangca vangnau te a hiil tih thlaang thli te a cang puei.

Tecoengah Jesuh lawng takawi cuun ngaa oen nga pahih te a lawh, vaan la maang hang tih Pathen tengah awmngaih awl a thui. Takawi te a eh tih thlaangping te rek ra ham a hubang hue tengah a peek. Nga lunghih te khaw ahimi tengah a ree pe. Thlaang boeih lawng ahahcala a caak u. Tecoengah takawi oen nga a caak coeih te a hubang hue lawng vawhphueih paha thlaihih dawngah abetoetla a cawi u.