Popular Bible Verses from MARK 13

Share

Kai kah kawng dawng maiah nangmi te thlaang boeih lawng n'thina ai. Tede a-u khaw aboet toe aka cak tah thlawn la awm ai.

Te kah atue te mevengah avan pha ai tite na ming u nawh dawngah a huertue la awm u lang ring oepsoeh uh.

Nangmi te n'tuuk tih awlcekna yung la n'khuen u atah n'tu nuem ka thui ai tila lakueng oepsoeh u boel; atue a pha vengah thui hamla m'peek te thui hawn. Metihtiah nangmi lawng na thui ham awl te tah nang kah awl nawh ni, Ciim Muithla teng kah awl ni.

Vaan oen dilai tah auh ai, tede kai kah awl tah mevengah khaw ha-ata manawh.

“Te cakhaw te kah atue oen khawhin te mevengah a thoeng ai tite a-u lawngkhaw ming nawh; vaan kah vanthlaang lawngkhaw ming nawh; Pa bueng lawng ni a ming.

Nangmi lawng ayoeica kah raalkahna awl na yaak u ah khaw, athlathloei kah raalkahna awlthang na yaak u ah khaw lakueng u boel. Te ang thli te awm ai, tede aboetna a pha poen ti ngaihna nawh ni.

Imkung manghai bawi te mevengah a law ai tite nangmi lawng na ming u nawh dawngah ngaithuen lang ring uh. Thlemhah ah khaw, yiinthuem ah khaw, tihnawhtah cinghue ah khaw, khawthaih ben ah khaw law thai mai. Poek muehla ahih te a law parak atah nangmi ih siing ih rawi la na awm u te n'hu boel seh. Nangmi teng ka thui he thlaang boeih teng khaw ka thui: Ngaithuen oen ring uh!” a tina.

Ram pakhat oen khat kap u vetih, peng pakhat oen khat teek u ai. Dilai peng boeih ah likluei hinghuen vetih khawthe khawkhana awm ai. He ang thli boeih he tah camoe awm tawm tamtuen cuek bungtlawh angla awm ai.

Tede atue boetna a pha thlan ah awlthang theen te thlaang boeih tengah phawng la awm ai.

Thlaang yahawh lawng ka miing oen law u vetih, “Kai tah ahih poen ni,” ti ai, thlaang yahawh te a thai alatna ai.

Nangmi lawng ngaithuen oen awm uh. Metihtiah nangmi te n'tuuk u vetih awlcekna yung la n'khuen u ai. Sinakok bok-im ah nangmi te m'bawh u ai; Nangmi lawng kai kawng dawngah ukkung thli oen sengpahrang thli haiah ahimi te Awlthang Theen thui pe hamla na pai u ai.

Metihtiah Messiah rawlrap thli oen tawngha rawlrap thli va thoeng ai. Ahimi lawngah a coengg thai atah Pathen thlaangtuek thli Pateng khaw thailatna ham kawpoekrai miknoekna oen kawpoek rai thaihu broela a sai ai.

“Te kah patang raina atue khawhin coeng atah khawmik lawng yiin khoep ai, thla lawngkhaw vang tlaih manawh. Vaan kalawng aisi tla vetih khawhi ah aka awm aisicumrii lawng amami kah huham tharana along a-im te a thawveel boeih ai.