Popular Bible Verses from SAWLTAHTE 1

Share

Ahi vangin na tung vuah Hlagau Siengtho ang tun ciengin vanglietna na nga ding vua, Jerusalem, Judea, Samaria le leimong dongin ka teci na hi ding uhi,” a ci hi.

Ama in, “Pa in ama’ thuneina tawh a sesa hun le nite note thei ding thu ahi sih hi.

Amate tawh a opton laitahin Jerusalem nuasie loin tua munah Pa’ kamciemna a nga nadingun ama in thu a pie hi. Ama in, “Tami thu keima kung pana na zahsa uh ahi hi,” a ci hi; azieh pen John in tui tawh mite baptize a, ahi vangin a sawt loin Hlagau Siengtho tawh note ang kibaptize ding hi,” a ci hi.

Ama’ thuoh gimna zaw ciengin ni sawmli sung sawltahpite kungah kilah a, teci tampite tawh a nungta tahtah ahina lahin Pasien’ manggam thu a hil hi.

Tami thu a gen zaw, amate in a et laitahun ama kilato a, meiilom khat in a dopto dawh ziehin a kimu thei nawn sih hi.

Ama a kilahto amate in vantung lam a etto laitahun puontuol kang sil pasal ni thakhatin amate kungah a ding hi. Tua tegel in, “Galilee mite aw, bang dinga vantung lam enin ding ngetngut na hi uh ahei? Na kungpan vua vantunga kilato tami Jesu khu vantunga a peito na mu ma bangun ang peikia ding hi,” a ci hi.