Popular Bible Verses from VPHAUNGC VYAUNGC 32

Share

Kvruex waz rueq, “Yix maq mmuingc Yaku ngoz tueq nauk kvmuingc kaz shex. Mnoz kuex Tishox rulc muinz, miq rulc muinz rvlongx palx vtueq taungx gay jix waz rvtoq; kvkhoc rvtueq mmuingc kuex Israel rvtuex,” ngoz tueq jungx kuq tueq.

Kvruex waz kvraq, “Ngaz kuex httvr koq; raungwuic shex,” ngoz tueq. Yaku rueq, “Ngaz muex ruimruimx kuq ruiux yuq jix httvr phaungx,” ngoz tueq.

yuq muinz Yaku kuex piq lauk lauk dvyx kvjungx kaz tueq. Kvkaq miq washiz kaz vtueq raungx tvwuic khvmkhvmz piq rulc rvkhvrc tueq.

Yaku rueq, “Ngaz rueq Tishox kuex htvlx rvhumc hungx khiz tauk, ngaz muinz vtvraungx shauk doc httax vtaungx,” ngoz tueq kvruex baung kuex Peniel ngoz tueq muingc tueq.

Piq rueq taungx muq lvmx kuex tuiuz vtueq Yaku wex nuex shuiuq koq tueq vthaq kv-nyiq kaz tueq.

Kvruex waz kvraq, “Mmuingc yvmx khoc lac?” ngoz tueq wiz tueq. Piq rueq, “Yaku,” ngoz tueq tvralc tueq.

Yaku rueq, “Mmuingc kuex jungx kuq koq,” ngoz tueq. Yuq muinz kvruex waz rueq, “Mnoz rueq ngvy muingc kuex yvmx ngoz tueq tuiuz roc lac?” ngoz tueq wiz tueq. Kvruex yimaq Yaku muex ruimruimx kuq tueq.

Mnvrc waz, ngaz muex tvkhic kuq phux menjenc kejux nuiyc tvmtuing lvmx lotlaz kuex aungx muq shauk doc. Ngaz rueq Yodan ruilx rvp wvnc tauk nuex ngaz rulc ngvlhtulc vshiz dvyx lomx wvnc tauk vganc yvmx muinz vguez, yuq muinz majuiuc kuex vruex phungc nueyc rulc ngaz yek waung vtaungx.

Yaku kuex vwex phawc nuex shuy gay rvhumc tueq ningkhvnc nuex, majuiuc raungnuiyq nuex httuiuc laz Israel miqsaz rueq wex phawc wawc vthaq kuex phauk wuez muq.

Kvruex yimaq Yaku rueq vjux thoz tueq, “Ijix Abraham Tishox nuiyc iwaz Esak Tishox lex, ngaz muex tay kuq koq! Yehowa mnoz rueq ngoc mmungtan nuex nuiyc mtaungx nyuing sanox kox nuex yek waung kuiuz, ngaz rueq mnoz muex tvhvlc tvyoalc moalc kuq phaungx, ngoz tueq jungx phux.

Iphuz Esaw yauk wawc ngaz kuex palc wvnc koq, ngaz rueq vjux thoz vphaungx. Ngaz hiz vtaungx, piq kaz vtueq nuiyhez kuex khvt ruiux nuiyhez lotlaz muinz yalxjuik rulx nuiyc nosaz rulx htenc tauk khvt gay muex hiz vtaungx.