Popular Bible Verses from उत्पत्ति 11

Share

याहवेहजी बिइ, “चुमैं क्युइ घ्रिन् पोंबै ह्रेंमैं तइ बिस्याँ तारे चुमैंइ लल् म्हैब तोइ मुँलेया लल् खाँम्। छतसि खो, ङ्यो क्युरु ह्‍यासि चमैंइ घ्रिइ पोंबै क्युइ घ्रिइ आक्हिरिगे बिसि चमैंए क्युइ खलबल लवाले।”

झाइले चमैंइ बिइ, “ल्हु, ङ्यो ह्रोंसए ल्हागिर सहर घ्रि नेरो स्वर्ग समा फेनेबै नुबै धररा घ्रि बनेसि। ह्रोंसए मिं थेंले। धै ङ्यो पृथ्बीर खनिरै आप्हुँले।”

छतसि च क्ल्ह्‍योए मिं बाबेल थेंमिंइ। तलेबिस्याँ याहवेहजी चर्न ताँन् पृथ्‍बीर्बै क्युइ खलबल लवाल। च क्ल्ह्‍योउँइँलेन् चमैं पृथ्‍‍बि तिंगोंन् प्हुँमिंइ।

च त्हेर पृथ्बीरि ताँन् म्हिमैंइ क्युइ घ्रिन् पोंमल।

झाइले म्हिमैंइ बनेबै सहर नेरो धरर ङ्ह्‍यो‍बर याहवेह क्युरु युइ।

छले याहवेहजी च क्ल्ह्‍योउँइँले चमैं ह्‍युल तिगोंन् प्हुँमिंइ। छ लवामा चमैंइ च सहर बनेब पिवाइ।