Popular Bible Verses from လံာ်တၢ်ကူၣ်သ့အတၢ်ကတိၤ 16

Share

ဃ့ယွၤလၢကဆိၣ်ဂ့ၤနတၢ်ကူၣ်တၢ်တိာ်တဖၣ်တက့ၢ်. ဒီးတုၤနဟံးထီၣ်ဖီၣ်ထီၣ်မၤအီၤန့ၣ်ကကဲထီၣ်လိၣ်ထီၣ်ဝဲလီၤ.

နမၤနတၢ်ကူၣ်တၢ်ကျဲၤဒၣ်နဲသ့လီၤ. ဘၣ်ဆၣ်ဒီးယွၤနဲၣ်နတၢ်ဖံး တၢ်မၤတဖၣ်လီၤ.

တၢ်ကတိၤအမုာ်တဖၣ်လီၤဂာ်ဒီးကနဲအခိၣ်ထံလီၤ. ဆၢဝဲလၢထးခိၣ်အဂီၢ်ဒီးဂ့ၤလၢနတၢ်အိၣ်ဆူၣ်အိၣ်ချ့အဂီၢ် လီၤ.

ပကအိၣ်ဒီးပတၢ်ကူၣ်တၢ်တိာ်တဖၣ်လီၤ. ဘၣ်ဆၣ်ဒီးတၢ်စံၣ်ညီၣ်တဲာ်အိၣ်ဒီးကစၢ်ယွၤလီၤ.

တၢ်ဝံသးစူၤဂ့ၤဒိၣ်န့ၢ်တၢ်ဂံၢ်ဆူၣ်ဘါဆူၣ်တက့ၢ်လီၤ. တၢ်မၤနၢၤဒီးတၢ်ပၢၤနသးဒၣ်နဲန့ၣ်ဂ့ၤဒိၣ်န့ၣ်ဒံးတၢ်ပၢၤ ဝ့ၢ်ဒီဝ့ၢ်တက့ၢ်လီၤ.

တၢ်ပာ်ထီၣ်ထီသးန့ၣ်ဆှၢပှၤဆူတၢ်ဟးဂီၤ, ဒီးတၢ်ပာ်ကဖိသးန့ၣ်ဆူတၢ်လီၤပှီၢ်လီၤ.

နကဆိကမိၣ်လၢတၢ်ကိးမံၤဒဲးလၢနမၤအီၤန့ၣ်, ဘၣ်ဝဲလီၤ. ဘၣ်ဆၣ်ဒီးယွၤကွၢ်ထံကွၢ်ဆးနတၢ်ပာ်သူၣ်ပာ်သးတဖၣ်လီၤ.

ပာ်သူၣ်ပာ်သးသပှၢ်ပှၢ်လၢတၢ်လၢနဘၣ်တၢ်သိၣ်လိတ့ၢ်နၤဒီးနမၤတၢ် ကကဲထီၣ်လိၣ်ထီၣ်လီၤ. သန့ၤနသးလၢယွၤဒီးနကဘၣ်ဆိၣ်ဂ့ၤလီၤ.

တၢ်အိၣ်ဒီးတၢ်တစဲးဖိလၢတၢ်မၤန့ၢ်အီၤလၢတၢ်တီတၢ်လိၤအပူၤ န့ၣ်, ဂ့ၤဒိၣ်န့ၢ်ဒံးတၢ်အိၣ်ဒီးတၢ်အါလၢတၢ်မၤန့ၢ်အီၤလၢတၢ်တတီ တလိၤအပူၤတက့ၢ်န့ၣ်လီၤ.

တၢ်လၢနဆိကမိၣ်မ့ၢ်ကျဲအဘၣ်န့ၣ်ဆှၢနၤဆူတၢ်သံသ့ဝဲလီၤ.

တၢ်ကတိၤသီၣ်ဝံသဲကလၤဘၣ်တၢ်ရၤလီၤအီၤလၢပှၤတတီတလိၤ တဖၣ်လီၤ. အဝဲသ့ၣ်ထိၣ်ဂဲၤထီၣ်တၢ်ကီတၢ်ခဲဒီးမၤလီၤဖး တၢ်ဒီတံၤဒီသကိးတဖၣ်လီၤ.