Popular Bible Verses from အ့းဖ့းစူး 5

Share

ဒ်သုမ့ၢ်ကစၢ်ယွၤအဖိလၢအဘၣ်တၢ်အဲၣ်အီၤအသိးန့ၣ်, သုကဘၣ်ကျဲးစၢးအိၣ်မူလီၤဂာ်ဒီးအီၤလီၤ. ဒ်ခရံာ်အဲၣ်ပှၤဒီးဟ့ၣ်လီၤကွံာ်အသးသမူလၢပဂီၢ်ဒ်တၢ်လုၢ်လၢ အနၢမူဒီးဘၣ်ကစၢ်ယွၤအသးအသိးန့ၣ်, အိၣ်မူသုဝဲလၢတၢ်အဲၣ်တၢ်ကွံအပူၤတက့ၢ်.

လၢတၢ်န့ၣ်အဃိပလီၢ်သုသးလၢသုတၢ်အိၣ်မူအပူၤတက့ၢ်. တဘၣ်အိၣ်မူဒ်ပှၤလၢအသးတဆးတဖၣ်အသိးန့ၣ်တဂ့ၤ. မ့မ့ၢ်, အိၣ်မူဒ်ပှၤကူၣ်တၢ်သ့အသိးန့ၣ်တက့ၢ်. တၢ်ဆၢကတီၢ်ဒီးတၢ်ခွဲးတၢ်ယာ်ကိးကတီၢ်ဒဲးလၢသုဒိးန့ၢ်ဘၣ် န့ၣ်, သူအီၤအဂ့ၤကတၢၢ်တက့ၢ်. အဂ့ၢ်ဒ်အံၤမုၢ်နံၤတဖၣ်အံၤမ့ၢ် အအၢအသီလီၤ.

တဘၣ်အီမူၤသုသးလၢစပံးထံတဂ့ၤ. တၢ်န့ၣ်မ့ၢ်ဒၣ်တၢ်လၢအကမၤဟးဂီၤသုလီၤ. မ့မ့ၢ်အိၣ်လၢပှဲၤဒီးယွၤအသးန့ၣ်တက့ၢ်. ကတိၤလိာ်သုသးတဂၤဒီးတဂၤလၢထါစံးထီၣ်ပတြၢၤ, ထါသးဝံၣ်, ဒီးတၢ်ဘူၣ်တၢ်ဘါအတၢ်သးဝံၣ်တဖၣ်အတၢ်ကတိၤတက့ၢ်. သးဝံၣ်ထါသးဝံၣ်, ဒီးထါစံးထီၣ်ပတြၢၤတဖၣ်အိၣ်ဒီးတၢ်စံးထီၣ်ပတြၢၤကစၢ်လၢ သူၣ်ကံၢ်သးလဲအပူၤတက့ၢ်. လၢပကစၢ်ယ့ၣ်ၡူးခရံာ်အမံၤအပူၤန့ၣ်, စံးဘျုးကစၢ်ယွၤလၢအမ့ၢ်ပပၢ်လၢတၢ်ခဲလၢာ်အဃိထီဘိတက့ၢ်.

တဘၣ်အိၣ်မူဒ်ပှၤဟးဂီၤဖိတဖၣ်အသိးတဂ့ၤ. မ့မ့ၢ်ကျဲးစၢးဃုသ့ၣ်ညါနၢ်ပၢၢ်တၢ်လၢကစၢ်ဘၣ် အသးလၢသုကမၤအီၤန့ၣ်တက့ၢ်.

ဝၤသ့ၣ်ဧၢ, အဲၣ်သုမါဒ်ခရံာ်အဲၣ်တၢ်အိၣ်ဖှိၣ်ဒီးဟ့ၣ်လီၤကွံာ် အသးသမူလၢအဂီၢ်အသိးန့ၣ်တက့ၢ်.

တဘျီန့ၣ်သုအိၣ်မူတ့ၢ်သုဝဲလၢတၢ်ခံးတၢ်နၤအပူၤဘၣ်ဆၣ် ဒီး, ဒ်သုကဲထီၣ်တ့ၢ်လံယွၤအပှၤတကလုာ်အသိးန့ၣ်, သုတုၤက့ၤလၢတၢ်ကပီၤအပူၤလီၤ. လၢတၢ်န့ၣ်အဃိ, အိၣ်မူဒ်ပှၤတၢ်ကပီၤဖိအသိးန့ၣ်တက့ၢ်.

ဒိးပၢဒိးဆှၢလိာ်သုသးတဂၤဒီးတဂၤလၢတၢ်ပာ်ဒိၣ်ပာ်ကဲ ခရံာ်အဃိန့ၣ်တက့ၢ်.

မါသ့ၣ်ဧၢ, ဒိးပၢဒိးဆှၢသုသးလၢသုဝၤတဖၣ်ဒ်သုဒိးပၢဒိးဆှၢသုသးလၢ ကစၢ်အသိးန့ၣ်တက့ၢ်.

ဘၣ်ဆၣ်, မ့ၢ်စ့ၢ်ကီးတၢ်လၢအဘၣ်ဃးဒီးသုလီၤ. ဝၤကိးဂၤဒဲးမ်အအဲၣ်အမါဒ်အနီၢ်ကစၢ်ဒၣ်ဝဲအသိး တက့ၢ်. ဒီးမါကိးဂၤဒဲးန့ၣ်, မ်ကယူးယီၣ်ပာ်ကဲအဝၤတက့ၢ်.

ဒ်တၢ်ကွဲးအသးစံးဝဲအသိး, လၢတၢ်ဂ့ၢ်အံၤအဃိပိာ်ခွါကဟးဖးဒီးအမိၢ်အပၢ်ဒီးကပာ်ဖှိၣ် အသးဒီးအမါလီၤ. ဒီးပှၤခံဂၤန့ၣ်ကကဲထီၣ်နီၢ်တဂၤဃီလီၤ.

တဘၣ်မၤဃုာ်တၢ်ခံးတၢ်နၤအတၢ်မၤလၢအဘျုးတအိၣ်ဘၣ် လၢပှၤအဂၤမၤဝဲတဖၣ်န့ၣ်တဂ့ၤ. မ့မ့ၢ်မၤဖျါထီၣ်အီၤတက့ၢ်.