Popular Bible Verses from ၂ ကရံၣ်သူး 4

Share

အဂ့ၢ်ဒ်အံၤ, ပပာ်ထီၣ်ပတၢ်သးစၢၢ်ဆၢလၢတၢ်လၢအဘၣ် တၢ်ထံၣ်အီၤတဖၣ်အလိၤန့ၣ်တမ့ၢ်ဘၣ်. မ့မ့ၢ်, မ့ၢ်ဝဲလၢတၢ်လၢတၢ်တထံၣ်အီၤတဖၣ်အလိၤတခီလီၤ. တၢ်လၢတၢ်ထံၣ်အီၤသ့န့ၣ်အိၣ်ဒၣ်တစိၢ်တလီၢ်, မ့မ့ၢ်တၢ်လၢတၢ်ထံၣ်အီၤတသ့န့ၣ်အိၣ်ဝဲလီၤထူလီၤ ယိာ်န့ၣ်လီၤ.

လၢတၢ်ဂ့ၢ်တမံၤအံၤအဃိ, ပသးတဟးဂီၤနီတစု ဘၣ်. ပနီၢ်ခိမ့ၢ်ဟးဂီၤကွံာ်တစဲးဘၣ်တစဲးသနာ်က့, ပနီၢ်သးဘၣ်တၢ်မၤသီထီၣ်အီၤတနံၤဘၣ်တနံၤလီၤ. ဒီးတၢ်ကီတၢ်ခဲတဆံးတက့ၢ်လၢပတူၢ်ဘၣ်အီၤတစိၢ် တလီၢ်အံၤကဟဲစိာ်န့ၢ်ပှၤတၢ်လၤကပီၤအဒိၣ်အမုၢ်အထူ အယိာ်လၢအဒိၣ်န့ၢ်တၢ်ကီတၢ်ခဲအဝဲအံၤန့ၣ်လီၤ.

ပဘၣ်တၢ်မၤတံာ်တာ်ပှၤအါစုအါဘျီ, ဘၣ်ဆၣ်ဒီးတၢ်တမၤသဘှံးပသးလၢာ်လၢာ်ဆ့ဆ့ဘၣ်. တဘျီဘျီပအိၣ်လၢတၢ်သးဒ့ဒီအပူၤ, ဘၣ်ဆၣ်ဒီးပတအိၣ်လၢတၢ်သးဟးဂီၤအပူၤနီတစု ဘၣ်. ပအိၣ်ဒီးပဒုၣ်ပဒါအါဒံအါဂၤ, ဘၣ်ဆၣ်ဒီးတံၤတအိၣ်သကိးတအိၣ်န့ၣ်တအိၣ်နီတဘျီ ဘၣ်. ဒီးတဘျီဘျီပဘၣ်ဒိဆါနးမးသနာ်က့ပတဘၣ် တၢ်မၤဟးဂုာ်ဟးဂီၤကွံာ်ပှၤဘၣ်.

မ့ၢ်သနာ်က့ဒ်န့ၣ်ဒီး, ပဝဲလၢအအိၣ်ဒီးသးအတၢ်လုၢ်ဒိၣ်ပှ့ၤဒိၣ် အဝဲအံၤန့ၣ်, ပလီၤဂာ်ဒီးသပၢၤဟီၣ်ခိၣ်မုၢ်ဆ့ၣ်မုၢ်ဂီၤတဖၣ်ဒ်သိး ပကပာ်ဖျါလၢတၢ်စိကမီၤအထီကတၢၢ်န့ၣ်ဘၣ်ဃးလၢ ယွၤ, ဒီးတမ့ၢ်ပတၢ်ဘၣ်န့ၣ်လီၤ.

အဝဲသ့ၣ်တစူၢ်တနာ်တၢ်ဘၣ်. အဂ့ၢ်မ့ၢ်လၢဟီၣ်ခိၣ်တဘ့ၣ်အံၤအကစၢ်လၢအအၢအသီ တဂၤပာ်အဝဲသ့ၣ်အသူၣ်အသးလၢတၢ်ခံးတၢ်နၤအပူၤ အဃိန့ၣ်လီၤ. အဝဲဒၣ်တြီဃာ်အဝဲသ့ၣ်ဒ်သိးအသုတထံၣ် ဘၣ်တၢ်ကပီၤလၢအကပီၤလီၤလၢအဝဲသ့ၣ်အလိၤ, တၢ်ကပီၤလၢအဟဲလၢတၢ်သးခုကစီၣ်ဘၣ်ဃးခရံာ် လၢအလီၤဂာ်ဒီးယွၤလၢလၢပှဲၤပှဲၤတဂၤအလၤကပီၤတဂ့ၤ န့ၣ်လီၤ.

ကစၢ်ယွၤလၢအစံးဝဲ, “လၢတၢ်ခံးတၢ်နၤအပူၤန့ၣ်, တၢ်ကပီၤ ကကပီၤထီၣ်ဝဲ” န့ၣ်မ့ၢ်ကစၢ်ယွၤတဂၤဃီလၢအဒုးကပီၤလီၤအတၢ်ကပီၤလၢပသူၣ် ပသးတဖၣ်အပူၤ, ဒ်သိးအကဟဲစိာ်န့ၢ်ပှၤတၢ်သ့ၣ်ညါဘၣ်ဃး ဒီးယွၤအလၤကပီၤလၢအကပီၤထီၣ်လၢခရံာ်အမဲာ်အလိၤန့ၣ်လီၤ.