Popular Bible Verses from 1 ကရံၣ်သူး 12

Share

သးစီဆှံအတၢ်အိၣ်ဝဲလၢပှၤသိးပှၤကျါန့ၣ်, ဘၣ်တၢ်ဒုးနဲၣ်ဖျါထီၣ်အီၤလၢကျဲတဘိဘိလၢပှၤတဂၤ စုာ်စုာ်အပူၤ, လၢပှၤကိးဂၤဒဲးအတၢ်ဂ့ၤအဂီၢ်လီၤ.

သုဝဲခဲလၢာ်သုမ့ၢ်ခရံာ်အနီၢ်ခိ, ဒီးသုဝဲတဂၤဘၣ်တဂၤသုမ့ၢ်အက့ၢ်အဂီၤတမံၤစုာ်စုာ်လီၤ.

နီၢ်ခိအက့ၢ်အဂီၤတမံၤမ့ၢ်တူၢ်ဘၣ်တၢ်ဒီး, က့ၢ်ဂီၤအဂၤခဲလၢာ်တူၢ်ဘၣ်ဃုာ်တၢ်ဒီးအီၤ, က့ၢ်ဂီၤတမံၤမ့ၢ်ဘၣ်တၢ်စံးထီၣ်ပတြၢၤအီၤဒီး က့ၢ်ဂီၤအဂၤတဖၣ်ခဲလၢာ်ဒိးန့ၢ်ဘၣ်ဃုာ်အဝဲဒၣ် အတၢ်သးခုလီၤ.

သးစီဆှံဟ့ၣ်ပှၤတဂၤတၢ်ကစီၣ်လၢအလၢပှဲၤဒီးတၢ်ကူၣ်ဘၣ်ကူၣ် သ့, ဖဲပှၤတဂၤဒၣ်ဘၣ်တၢ်ဟ့ၣ်အီၤတၢ်ကစီၣ်လၢပှဲၤဒီး တၢ်သ့ၣ်ညါနၢ်ပၢၢ်, လၢသးစီဆှံတဂၤဃီလီၤ. သးစီဆှံတဂၤဃီဟ့ၣ်ပှၤတဂၤလၢတၢ်စူၢ်တၢ်နာ်, ဒီးပှၤတဂၤဒၣ်လၢတၢ်စိတၢ်ကမီၤဘၣ်ဃးဒီးတၢ်မၤဘျါက့ၤ တၢ်လီၤ. သးစီဆှံဟ့ၣ်ပှၤတဂၤတၢ်စိတၢ်ကမီၤလၢအကမၤတၢ်လီၤလးတဖၣ်, ပှၤအဂၤတဂၤ, တၢ်ဟ့ၣ်ဘၣ်ဃးတၢ်ကတိၤတၢ်လၢဝံအကျိာ်, ဒီးပှၤတဂၤဒၣ်တၢ်သ့တၢ်ဘၣ်လၢအကပဲာ်ဖးနီၤဖးတၢ်ဟ့ၣ်တဖၣ်လၢ အဟဲလၢသးစီဆှံအအိၣ်ဒီးတၢ်ဟ့ၣ်တဖၣ်လၢအတဟဲလၢသးစီဆှံ အအိၣ်န့ၣ်အတၢ်လီၤဆီလီၤ. ဆူပှၤတဂၤအအိၣ်န့ၣ်, အဝဲဟ့ၣ်တၢ်သ့တၢ်ဘၣ်လၢအကတဲဖျါထီၣ်တၢ်လၢအဘၣ်တၢ်စံး ကတိၤလၢကျိာ်လၢပှၤတနၢ်ပၢၢ်အီၤတဖၣ်, ဒီးဆူပှၤတဂၤဒၣ် အဝဲဟ့ၣ်တၢ်သ့တၢ်ဘၣ်လၢအကတဲဖျါထီၣ်တၢ်လၢအဘၣ် တၢ်စံးကတိၤလၢကျိာ်လၢပှၤတနၢ်ပၢၢ်ဘၣ်တဖၣ်အခီပညီန့ၣ်လီၤ.

ဘၣ်ဆၣ်ဒီး, ပှၤလၢအမၤတၢ်သ့ၣ်တဖၣ်အံၤခဲလၢာ်န့ၣ်, မ့ၢ်ဝဲသးစီဆှံတဂၤဃီလီၤ. အဝဲဒၣ်ဟ့ၣ်ပှၤတဂၤဘၣ်တဂၤလၢတၢ်ဟ့ၣ်လီၤဆီတမံၤဒ် အသးအိၣ်မၤဝဲအသိးလီၤ.

ဒီးလၢတၢ်န့ၣ်အဃိ, တၢ်လီၤမုၢ်လီၤဖးတအိၣ်ဝဲလၢနီၢ်ခိအပူၤ ဘၣ်. မ့မ့ၢ်, က့ၢ်ဂီၤတဖၣ်ခဲလၢာ်အိၣ်ဒီးတၢ်ကွၢ်တၢ်လၢတမံၤဒီး တမံၤအဂီၢ်ပှဲၤသိးသိးလီၤ.

သးစီဆှံအတၢ်ဟ့ၣ်န့ၣ်အိၣ်ဝဲဒၣ်အါကလုာ်အါမံၤ, ဘၣ်ဆၣ်ဒီးပှၤလၢအဟ့ၣ်တၢ်န့ၣ်မ့ၢ်ဝဲသးစီဆှံတဂၤဃီလီၤ. တၢ်ဖံးတၢ်မၤလၢယွၤအဂီၢ်န့ၣ်အကျဲအိၣ်ဝဲအါဘိ, ဘၣ်ဆၣ်ဒီးမ့ၢ်တၢ်ဖံးတၢ်မၤလၢကစၢ်တဂၤဃီအဂီၢ်လီၤ. တၢ်သ့တၢ်ဘၣ်လၢအဘၣ်ဃးဒီးတၢ်ဖံးတၢ်မၤတၢ်လၢယွၤ အဂီၢ်န့ၣ်, အိၣ်ဝဲဒၣ်အါကလုာ်အါမံၤ, ဘၣ်ဆၣ်ဒီးပှၤလၢ အဟ့ၣ်တၢ်သ့တၢ်ဘၣ်ဆူပှၤတဂၤဘၣ်တဂၤလၢအကမၤ တၢ်ဖံးတၢ်မၤလီၤဆီဆီတမံၤမံၤန့ၣ်, မ့ၢ်ဒၣ်ကစၢ်ယွၤတဂၤ ဃီလီၤ.

လၢတၢ်အိၣ်ဖှိၣ်အပူၤန့ၣ်, ကစၢ်ယွၤပာ်ပှၤကိးဂၤဒဲးလၢအလီၢ် အကျဲဒၣ်ဝဲလီၤ. အဆိကတၢၢ်ပှၤတၢ်မၢဖိတဖၣ်, ခံဖုတဖု, ဝံဧိၤမီၣ်ဧိၤတဖၣ်, သၢဖုတဖု, သရၣ်တဖၣ်, အန့ၣ်ဝံၤပှၤလၢအမၤတၢ်လီၤလးတဖၣ်, ဒီးပိာ်ထီၣ်အခံလၢပှၤဘၣ်တၢ်ဟ့ၣ်စိဟ့ၣ်ကမီၤအီၤ လၢကမၤဘျါက့ၤတၢ်, မ့တမ့ၢ်ကမၤစၢၤပှၤဂၤတဖၣ်, မ့တမ့ၢ်ကနဲၣ်န့ၢ်အဝဲသ့ၣ်အကျဲ, မ့တမ့ၢ်ကစံးကတိၤတၢ်လၢကျိာ်လၢပှၤနၢ်တပၢၢ်တဖၣ်န့ၣ်လီၤ.

အဂ့ၢ်ဒ်အံၤ, နီၢ်ခိအနီၢ်ကစၢ်ဒၣ်ဝဲတဘၣ်တၢ်ဒုးအိၣ်ထီၣ်အီၤအိၣ်ဒီးက့ၢ်ဂီၤထဲ တမံၤဧိၤဘၣ်, မ့မ့ၢ်က့ၢ်ဂီၤအါမံၤလီၤ.

အခိၣ်တလိာ်, နီၢ်ခိအက့ၢ်အဂီၤတဖၣ်လၢအအိၣ်ဖျါဒ် အမ့ၢ်တၢ်ဂံၢ်စၢ်ဘါစၢ်တဖၣ်န့ၣ်, မ့ၢ်တအိၣ်ဒီးပအိၣ်တသ့ဘၣ်.

နီၢ်ဒီဂၤညါမ့မ့ၢ်ဒၣ်မဲာ်ချံတတိၣ်န့ၣ်ကနၢ်ဟူတၢ်လၢကျဲဒ်လဲၣ်. ဒီးမ့မ့ၢ်ဒၣ်နၢ်တခီန့ၣ်ကနၢဘၣ်တၢ်လၢကျဲဒ်လဲၣ်. ဘၣ်ဆၣ်ဒီးဒ်တၢ်မၤအသးအသိးန့ၣ်, ကစၢ်ယွၤပာ်က့ၢ်ဂီၤလီၤဆီတမံၤဘၣ်တမံၤလၢနီၢ်ခိအလိၤဒ် အသးအိၣ်မၤဝဲအသိးလီၤ. နီၢ်ခိမ့မ့ၢ်က့ၢ်ဂီၤထဲတမံၤဧိၤဒီး, နီၢ်ခိတအိၣ်လၢၤဘၣ်.