Popular Bible Verses from ລູ​ກາ 3

Share

ຕສວັ໋ງ ມ່ຽນ ເຈ໋ຍ ວວມ ເຍີຍ ເລີ໌ຍ ເຍີຍ ຕສຢັ້ງ ໂຫ່, ເຢ​ຊູ ຢ່າ ເຈ໋ຍ ວວມ ເຍີຍ ເລີ໌ຍ. ຕ໋ອຍ ນິ່ນ ເຕົ໋າ ເກົ໋າ ວົ້ວ ຕສັ່ນ, ລູ່ງ ອກອຍ ໝີ່ ອ໊ະ. ສີງ ລີ່ງ ເອຈ່ຍ ຕ້າຍ, ຫຍູ່ງ ເຕສີ໊ຍ ຮນັ້ງ ນອມ ເໜາະ ໂອກ ນໍ, ຢຽມ ນິ່ນ ເຍີຍ ຊິນ. ຢ່າ ມ່າຍ ເຖຈຍ ຢຽມ ກູ້ ຫງວ່າຍ ລູ່ງ ກ໊ອງ, “ເມີ່ຍ ເຊ ເຢຍ ເຍີຍ ຕອນ-ຮນ້ຳ. ເຢຍ ຕສະເກ້ງ ອະເຮນີ້ຍ ໄຫ່ ເມີ່ຍ.”

ໂຢ​ຮັນ ຕສ່ຽວ ກ໊ອງ ບົ໋ວ ຕສວັ໋ງ ມ່ຽນ, “ເຢຍ ຫລົ່ງ ວວມ ເຖງ ເມີ່ຍ ບົວ ເຈ໋ຍ ເລີ໌ຍ. ແອ໋ງ ມ່າຍ ເຕົ້າ ອ໋ອຍ ຕ້າຍ. ນິ່ນ ມ່າຍ ຫລີ່ງ ມ່າຍ ທຈະ ເກົ້າ ໂຮລ ເຈ໋ຍ ເຢຍ. ເຢຍ ລ່ຽມ ໄມ້ ຜຸຍ ເຖງ ນິ່ນ ໄຈ໊ ເຮ່ ຮລາງ. ນິ່ນ ຢ່າ ອ໋ອຍ ຫລົ່ງ ສີງ ລີ່ງ ເຖສົາ ໂຕ໌ວ ເຖງ ເມີ່ຍ ບົວ ເຈ໋ຍ ເລີ໌ຍ.

ເມີ່ຍ ບົວ ໂຕສ໋ວ ສີ່ ອ໋ອຍ ຕສຸ ປຸນ ທສີງ ເມີ່ຍ ບົວ ຕສະເກ້ງ ກ໊ອຍ ໂຮຍ້ວ ກວັ່ງ ຕສຸ໌ຍ. ຢ່າ ໄມ້ ຕູ໋ງ ຢຽມ ໂຮຍ້ວ ຮນ້ຳ, ‘ເຢຍ ບົວ ມ່າຍ ອັບ​ລາ​ຮຳ ໂຕສ໋ວ ເຢຍ ບົວ ເຍີຍ ອົງ-ຖາຍ.’ ເຢຍ ບົ໋ວ ເມີ່ຍ ບົວ, ທິນ-ຮູ່ງ ຕສູ໊ງ ໄຮ່ ເຕສ໊າະ ນ້າຍ ເຕີ໋ຍ ຫລະເປຢີ໊ຍ ໂຕສ໋ວ ເປ໋ນ ອັບ​ລາ​ຮຳ ເຍີຍ ເຕສີ໊ຍ-ຟຸນ.

ອີ້ ຕສັ່ນ ເບ່ນ ຕສຢັ໋ງ ໂປ໊ວ, ຕສູ໊ງ ອັນ ຈ໊ຽນ ດຢັ໋ງ-ກອນ. ຫາຍ ຕິ້ວ ດຢັ໋ງ ຕສຢັ້ງ ປ໊ຽວ ໄມ້ ຄູ້, ອ໋ອຍ ຕສຸ ກ໋ອຍ ກວັ່ງ ປົ໊ວ ໂຕ໌ວ ມີ່ງ.”

ນ້າຍ ເຊ ຮນັ້ງ ໂຕ່ວ ຫວ່າ ມ່ຽນ, ອິ​ສະ​ຢາ, ເຟ້ຍ ຈ໊ຽນ ນິ່ນ ເຍີຍ ໂຊວ ກ໊ອງ, “ມ່າຍ ລ່ານ ມ່ຽນ ຢຽມ ເຕີ່ຍ-ປູງ-ຮວາງ ເຫ່ວ ຈ໊ຽນ ກ໊ອງ, ‘ອ໋ອຍ ຕສຸ ຫລິ່ວ ເລີ໌ຍ ຕສ໊ຽວ ເຍີຍ ເຈົ໊າ. ນິ່ນ ເຍີຍ ເຈົ໊າ ອ໋ອຍ ຕສຸ ຄອຍ ຕສະ ເຍີຍ. ນອມໆ ຮ໌ອງ ອ໋ອຍ ຕສຸ ຕິ້ນ ປວັ໊ງ, ບົງ-ຮລັງ ບົງ-ໄອ໊ ອ໋ອຍ ຕສຸ ໂຕສ໋ວ ແປ້ງ. ເຈົ໊າ ເງົາ ເຈົ໊າ ອຈ໊ວດ ອ໋ອຍ ຕສຸ ກ໊ອຍ ຕສະ, ເຈົ໊າ ໄມ້ ຢ້ວນ ອ໋ອຍ ຕສຸ ໂຕສ໋ວ ຢ້ວນ. ລູ່ງ ເດ໊ຍ ມ່ຽນ ອ໋ອຍ ຕຸ໊ ປວັດ ທິນ-ຮູ່ງ ເຍີຍ ໂອຈ໋ວ ເອນ.’”