Popular Bible Verses from Johanes 13

Share

Een nieet Jeboot jäw ekj junt, daut jie junt unjarenaunda leewen, om daut, soo aus ekj junt leef ha, uk jie eenaunda leef haben. Doaraun woaren aule erkjanen, daut jie miene Jinja sent, wan jie unjarenaunda Leef ha.

Wan ekj nu, de Har un de Meista, june Feet jewoschen ha, soo sent uk jie schuldich, eenaunda de Feet to wauschen. Dan ekj ha junt een Biespel jejäft, om daut, soo aus ekj junt jedonen ha, uk jie doonen.

Jesus auntwuad un säd to am: Waut ekj doo, weetst du nu nich, du woascht daut oba nohäa vestonen.

Woarhauft, woarhauft, saj ekj junt: Een Kjnajcht es nich jrata aus sien Har, uk een Jeschekjta nich jrata, aus dee am jeschekjt haft.

Wan jie dit weeten, seelich se jie, wan jie daut doonen.

hee steit vom Owentkost opp un läd siene Bowakjleeda auf; un hee naum een Lienduak un bunk sikj daut om. Donn goot hee Wota enne Wauschkomm un funk aun, de Jinja äare Feet to wauschen un met däm Lienduak auftodrieejen, met daut hee omjebungen wia.