Popular Bible Verses from 1. Mose 21

Share

Un de Har dreid sikj no Sara, aus hee jesajcht haud, un de Har deed Sara, aus hee jerät haud.

Un Gott hieed de Stemm vom Jung. Un de Enjel Gottes roopt de Hagar vom Himmel too un säd to ar: Waut es die, Hagar? Forcht die nich! Dan Gott haft oppe Stemm vom Jung jehieet, doa, wua hee es; Kjikj opp, nemm däm Jung un fot am aune Haunt, dan ekj well am to eene groote Nazion moaken.

Un Sara wort schwanga un jebua däm Abraham eenen Sän en sienem Ella, to bestemde Tiet, von dee Gott am jesajcht haud.

Un Sara säd: Gott haft mie een Lache reedjemoakt; jiedra, dee daut hieet, woat met mie lachen.

Oba Gott säd to Abraham: Lot daut nich iebel sennen en diene Uagen wäajen däm Jung un wäajen diene Deenstmejal; waut emma Sara to die sajcht, hia opp äare Stemm; dan en Isaak saul die een Somen jenant woaren.

Doch, uk däm Sän von de Deenstmejal woa ekj to eene Nazion moaken, wiels hee dien Somen es.