Popular Bible Verses from Luka 9

Share

Yesu aebele nakambi bonse ati, “Umuntu kati akofwaya ukunkonka, ayikane umwine nokupinta umutashi wakwe lonse, elo ankonke.

Pakuti umuntu onse ukofwaya ukupulusha ubumi bwakwe, akwisa kubuposa, kuntu uyo onse uwakuposa ubumi bwakwe pamulandu waku nebo, ewakubupulusha.

Yesu amwebele ati, “Umuntu uyo uwatatika ukulima noluse nakambi akocheba kunuma, talingilepo mu bufumu bwaku Lesa.”

Mba bune ndo chingamuletela umuntu nga anonka ichalo chonse, nomba alufya nangu aposa bumi bwakwe?

Kati umuntu akukwata insoni pamulandu waku nebo namashiwi anji, Umwana wa Muntu naye akwisa kumukwatila insoni ulo akwisa mubuleme bwakwe nobwaku Bawishi pamo nabangelo ababuta.

Elo Yesu amwasukile ati, “Bamumbwe balikwata imimba, nefyuni nafyo fyaliba nefinsa, kuntu Umwana wa Muntu takwatapo napakusamina umutwi.”

Elo asosele ati, “Umuntu onse uupokelela akana kanini mwishina lyanji, akopokelela nebo, nakambi na onse uwapokelela nebo, apokelela nowantumine. Pakuti uukoyichefya muli mwebo, emukulu pali bonse.”