Popular Bible Verses from Luka 3

Share

Ulo abantu bonse babatishiwe, Yesu naye alibatishiwe. Munshita ali mukulomba, kumulu kwalisukile, no Mupashi Wabuta wayikele pali Ye, uwapalile ukubati ninkunda. Neshiwi lyafumine kumulu ati, “Webo uli mwana wanji uwatemwekwa, muli webo nkosekelela.”

Yohane alyasukile ati, “Nebo nkomubatisha namenshi, kuntu uwakwisa alinchililepo ifiso, tanshilingilepo nokukakula ulushinga lwankwabilo shakwe. Ngu akoyisa kumubatisha no Mupashi Wabuta nomulilo.

Chiteni ifintu ifyakulanga ukupilibuka kwamitima yenu. Elo mwilokwibepapo mumitima yenu mwati, twaliba nanshifwe Abulahamu. Nachine nkomweba ati, Lesa aakwalula nga mabwe ukuti abe abana bakwa Abulahamu.

Isembe lilipekanishiwe kale pamushu uukulu uuli onse uwachiti. Pakuti ichiti chonse ichitatwalapo ifitwalo ifiweme bakuchitema nokuchiposa mumulilo.”

Ukubati nimfilya chalembwa mwibuku lyaku Esaya umusoseshi ati, “Umuntu akobilikisha muchiswebebe ati, ‘Wamyeni umusebo waku Bashikulu, lungamikeni bwino inshila yabo, ukuti bese bendemo! Iwisheni imipoka yonse nokutambalalika amapili nemilundu. Ongololeni imisebo iyapotama, wamyeni nenshila ishabipa. Nemishobo yonse yabantu yakwisa kubona ichipulusho chaku Lesa!’”