Popular Bible Verses from Yohane 12

Share

Umuntu onse uukofwaya ukumpyungila ankonke, noko konse uko ndi naye akubako. Nomuntu ukompyungila, Bata bakwisa kumuchinshika.

Onse uukotemwa ubumi bwakwe akubulufya, na onse uukopata ubumi bwakwe muli nchino chalo akuba nobumi butashila.

Nachine nkomweba ati, nga uluseke lwaku tiligu taluponene mumushili nokufwa, lulaba lumo bwaka. Nga lwafwa, elo lumena nokutwala inseke ishinji.

Nayisa muchalo ukuba ukusanika, ukuti onse uukochetekela muli nebo eyikalilila mumfinshi.

Kati umuntu aumfwa amashiwi anji nokutayanakila, tanshayise kumulengululapo. Nalisa, te mukupingulapo ichalo iyowo, kuntu nimukuchipulusha.

Elo Maliya abulile umusashi wamafuta aabwema bwawama ayapangilwe na naladi nokuyetulwila pamakasa aku Yesu. Elo ayasumwine nemishishi yakwe. Inanda yonse yayiwilemo nobwema bwamafuta aanunkila bwino ngalya.

Batemene imisambo yatunchindu ukuya mukumuchinsha. Baliya nokubilikisha bati, “Tondayisheni Lesa Mukulu! Lesa ashukishe ngu uukoyisa mwishina lyaku Bashikulu! Lesa ashukishe Imfumu yabena Isilaeli!”

Naye Yesu alibasukile ati, “Inshita nomba yafika iyakuti Mwana wa Muntu apelwe ubuleme.