Popular Bible Verses from Romanos 6

Share

Eta tawacha eta vichira'i eta pekatu etachucha vijachapa eta ekuñaraki, emasera ema Viya mawara'a tijarakasicha'aviyare eta vitaresirayare maichekuarakirenapa taichavene eta visuapira ema Viákenu Jesucristo.

Eta pekatu, waipa tikawanara'éma'i, émainapasera puiti ema Viya, tímikataka'enapa eta íchira'i eta táurikeneana, éneichuware waipa kawanara'ema'i eta wanairipiana puiti emapa esuapaya taichavene eta maemunasira'e'i ema Viya.

Eta vikaikachasiraipa te une, tímikutijirikawa'i vikaekarasi'i, vikachanepa ema Cristo eta máepenira'i. Éneichuware eta viúchusira'i te une, vikutipa ema eta máechepusira'i te máekari. Tási'a puiti, arairupa eta vítaresira'i, ichape eta máitupajijiasirawa'i te makaechepukapa ema Machicha.

Waipa ekuisapa eta pekatu te iake'e, tímikutijirikawainapa épenakene, waipa échaima'i eta pekatu. Ítarekainapasera maye'e ema Viya, íjararekainapa eta iáke'eana maye'e.

Takutikene, eta tamauriwaini'i eta ichasini vítaresira takapekaturaraiwaini'i, tímikutijirikawa'i te vikakenureka. Puítisera táekarasipa eta ichasi vítaresira, takuti'i eta náekarairaipa ema Viákenu Jesús.

Ene eka'eyare eti, ékarainapa tamutu eta tapamisira'éni eta epekaturana. Puiti eta ítaresirainapa, makarichu ema Viya ekaematanearuya, táichavene'i eta iúrujiasira'i ema Viákenu Jesucristo.

Tiuri puiti, németeaka etiari'i eti ímijachaipapuka tiúri'i vímiyanawa vicha eta pekatu apaesapuka eta majapanuira'avi ema Viya. Wá'ikenesera táurika'ini vímiyanawa'ini vicha. Taicha tépa'aipa eta tapamisira'avini eta pekatu.

Écharichu'i eti, te ímiyanawayarechuchapuka eta tapamisira'e'i eta pekatuana, ekutiricha'apuka mákani tikakenureka'i, tipamikawayare'i eta masuapirayare'i ema mákenu, eta taka'e'i eta esuapira'i eta pekatu etainapa timikuñaka'eyare te yuku, té'eserapuka émainapa esuapaya ema Viya, tatupiruwainapa eta ítaresiraya.

Nu'asulupayachasera ema Viya eta ínajisiraipa eta tapamisira'éni'i eta pekatuana. Puiti tatupiruwaipa te esamureana eta esuapira'i eta vé'iru'i ímitukasiwa'i. Puiti íjarakawainapa ekaemataneaka ema Viya, iáwaku'aipa eta táuriwa eta ítaresiraya, taicha waipa takawanara'e'ini eta pekatu.