Popular Bible Verses from Romanos 4

Share

Wa'isera maikutijikawa'ini wa'iware mapanereikene'a'ini eta maikuchi'i me Viya, tiapajupanawachucha eta makasiñawaira'i muraka me Viya. Eta makasiñawaira'i, tétavikawa'i eta makunachira'i ema Viya, tetavikawapa eta masuapira'i eta maitupajijiasirawa'i etapa eta maitauchirayare'i eta maijarasirawa'i.

Taicha ema Viya, ánipa maicha ema Abraham: “Puiti nunakaviyare píti nakaiyakeneyare ena achaneana te kamurikene awasareana.” Tási'a, ema Abraham, masuapapa muraka ema Viya, émaichu'i ema Viya tijarakawaka'i eta nachaviraya titarekana ena naepenekeneana, etapa eta makuchusirayare eta arairuana vimaima'akeneana.

Ema Viya Maíjarakapa ema Jesús eta maepenina'aviyare'i taichavene'e eta vipeketurana, tási'a techepukapa te maekari eta makatiuchira'aviyare'i taichavene eta viviurewana.

Taka'e takutima'ipa wa'i titauchawaima'i eta maichakene'i ema Viya, taka'e ema Abraham masuapapa muraka taka'e makuchapapa, taka'e'i eta maítekapira'i “Taiyakara'i tamutu eta awasareana”, titauchawa'i eta maichakene'i ema Viya: “Taka'eyare eta nasimutuwayare ena mámariékeneanayare.”

Ema Viya, tétavikawa'i eta majapanuraiwa'i, tási'a, yátupi máitauchayare eta máijarasirawana naye'e namutu ena mámariekeneana ema Abraham, wa'i nákarichu'ini ena té'ikana'i eta wanairipiana, naye'eyarewa namutu ena tikasiñawana'iware maye'e, tikutiana'i ema Abraham eta makasiñawaira'i, eta taka'e puiti, eta vikaiyaira'i vimutu víti ema Abraham.

Maka'e'i ema David: “¡Tétavikawapa eta náurikakarewa'i nákani majapanukeneana'i ema Viya eta napekaturanaini! ¡Tetavikawa mauriwaya mákani achane, taicha ema Tata wa'i maimaraka'ini eta mapekatura!”

Eta Takapika'ukene Ajureka, taka'e'i: “Ema Abraham, tétavikawa'i eta makasiñawaira'i me Viya. Eta taka'e, tijakapakaréine'i tijakapakareine'i me Viya.”