Popular Bible Verses from Romanos 14

Share

Taicha eta Mawasa akenuka ema Viya, wa'i étaparakaina jákani vinikakenerepiana, vérakeneana. Étaipa eta tikunachakare'i maye'e, eta víchirapaipa eta táurikeneana. Mawara'a'iware vítukawa'ini eta vikurujisirakaka'i, apaesa táimiyanawa'ini eta viúrisamurewa vimutu maicha ema Machanewa Viya. Mákani títati'i ema Cristo, tétavikawa'i eta ekurisamurechira'i ema Viya, tási'a ekunachakare'iware naye'e ena achaneana.

Te vítarekapuka, te vépenapuka, eta vikunachirayare'i ema viákenu Jesucristo. Tayanapane vépena maye'e'avi'isera ema Viya.

Taka'e, vitanukayare eta viúriwaya, apaesa vétumechakaka.

Eta taka'e waipa vipanararauchakakaima'i. Waipa vikukicha, machu ímiakipaikawaka ena echamuriana eta nakasiñawaira'i maye'e ema Viya.

Taicha eta Ajureka taka'e'i: “Níjarakawa'i eta nítaresira, maka'e'i ema Viákenu, Namutu tépuyumirauchanuanayare te numira'u tási'a namutuinapa najirauchaya ema Viya.” Taka'eyare'i, émanapachu'aviya vimetaurekawaya maye'e ema Viya.

Te napaucha'epuka nákani nawara'a'i tisiapamuri'a'eana, echamurianayare, wa'i ekuepuruwaka. Ejapanuwakasera eta ejakapiraya. Te jákani apaesaichu'i eta nakasiñawaira'i maye'e ema Viákenu, napikauchaicha'a eta naye'erepiana ichasiana, wa'i ekuakapaemacha'ini ena.

Wa'i ekuimijachawaima'i étina'i échawaka eyaseserekara'i ena machanerana'i ema Viya. Ema, téchawaka'i ena mawanarana'i. Máimararaka'i eta táuriwa'i náicha, makunachawaka'i ena. Te wá'ipuka, émaina'i techa eta máemechirawakaya.