Popular Bible Verses from Mateo 7

Share

“Eyaseaka ema Viya ema tijaraka'eya, échejika ema Viya, ema íchimawaya eta ekamunukeneana; íchu'a tási'a ema tisáma'eya

Taicha mákani tiyasesereka, majachapayare; ema titanureka maichimawayare eta matanure, tási'a mákani techejika te tapaja, navejiaikene'aya.

“Eta taka'e, mákani tisamanuyare, tási'a maichayare eta nuwaneruyare, makutiyare ema achane tisuapajira'i, maepiyaka'i eta mapena tiusiapira eta maicha.

“Eta taka'e, iúriyare eti naye'e ena apamuriana achaneana, te ewara'apuka nauri eye'e eti, taicha eta taka'e'i eta táimiturapi eta Takapika'ukene Ajureka.

Étasera eta achene ánikuchichaichu, tási'a tikajera eta tikaiju'e eta vítaresira, tájina ekuñarakina. Wá'isera kamurianaina ena té'ikana taye'e eta.

“Esiapa taye'e eta tapaja ánikuchichapana. Taicha eta tapaja, tási'a étapa eta ichape achene, kamurianayare ena tisianapa taye'e eta

Etiripa murakasamure'e'ineni, ituka'i ijaraka ena echichanaveana eta jákani tiurinana nayasearapiana'i, ¡mavetijicha ema Tata Vikaiyakene tiávi'a'i te anuma, ema tíjaraka'eyare'i tamutu eta táurikeneana eyasearuanayare'i!

“Wa'i ekunema'i eta náejekapirawana ena apamuriana, machu étaina táimikuñaka'e eti me Viya. Taka'e ema Viya, kune'eyare eta éjekapirawana eti, takuti'i eti, ekune'i eta naejekapirawana ena apamuriana, éneichuware ema Viya maimichawayare eta eye'e eti eta íkutiriki'i.

Émasera ema tisamanu'i, tási'a wa'i naicha'ini eta nuwanairipiana'i, ena nakuti'i ena máitukara'ana tépiyarekana eta peti wa'i manakaima'i eta túmeana yukuki, wá'iware táusiapirawaka'ini máicha.

¿Taja'a takayema pikune eta ánichichakeneana máejekapirawana'i ema piparape, tási'a piti wa'i pipanerecha'ini eta táichapewa eta péjekapirawana? Tási'a piti te tatiari'ipuka eta pejekapirawa'i, ¿waipaine'i taurikaima'i picha'ini ema piparaepiya: ‘Nuvinavi eta pisureru te piuki'a’?

“Échapawayare taye'e eta náimiturapiana ena tépiya'ira'iana tímijachawana machanerana ema Viya. Tépiyakawanapa'i tiúriana takuti'i eta tamansuwa eta uvesa. Té'esera te nasamureana, tétavikawa'i eta nawínarajiwa, nakuti'i eta ichini. Eti ímatiakawaka'isera ena táichavene eta náichakeneana, taicha wa'i virerekaima'i eta ta'i eta surupia'i te taenaki eta sitavere, tási'a eta ijíkaki wáipaine'iware taka'ima'i eta kachicheru'iana.

Takutikene, tímatikare'i eta ta'i eta yukuki tiúrinisi, tímatikare'iware eta ta'i yukuki máurinisira'ana.

Eta yukuki tiúrinisi'i eta ta'i, wa'i témuna'irikawaima'i wa'i takurinisi'ini eta ta'i. Étaipa eta máurinisira'ana, wá'iware témuna'irikawaima'i tiúrinisi eta tá'i.

Tamutu eta yukukiana máurinisira'ana tikaechuyare'i, tíjuyarepa te yuku.