Popular Bible Verses from Lucas 19

Share

Taicha eta tímitekanu'i nuti Manerejirunu'i ema Viya. Nutanukawaka'i tási'a nukuchuku'awakayare'i ena naemitiaruana.

Naka'epaipa'i: –¡Yare piti rey-kene'i, wanairukavi'i te maijare ema Viákenu! Asulupaya ¡Puiti te anuma vikutikaka'i eta viúrisamurewa'i víti te juka apake'e! Tétávikawa eta vikunachira ema Viya eta makatajisira'avi'i.

Tási'a, ema Jesús majikapa: –Puiti titekepapa eta nauchukuiraya te juka peti, taicha émaichu'i maumuriwa'i ema viyara'aini Abraham.

Taka'e, te makapekupa ema Jesús eta yukuki mávi'a'i ema Zaqueo, máesenikapa ema Jesús te anuke'e. Tási'a, máichapa: –Zaqueo. Yare, piúkupaika, taicha puiti nuwara'a'i nunasinumayare te pipena. Taka'e, ema Zaqueo titátajipa tiúkupaikapa. Tiúrisamureine'i eta majakapira'i ema Jesús.

Te téjakanapa te taju'e, témeña'awapa ema Zaqueo te mamira'u ema Jesús. Tási'a, maka'epa: –Píma'a, Tata Nákenu. Nuti néñeuchawapa me Viya. Puiti níjarakayare ena páureana tikutimuri'akaka eta níma'akeneana. Nímichawayarewa te natiari'ipuka ena nukaetemakeneana'i, kuatru'enapasera eta táitsiwayare eta nímichawakeneya.

Taka'e, eta nasamirapa'i ena fariséuana natiari'ikeneana'i eta napiarasirapa'i ena achaneana, náechejikapa ema Jesús: –Tata maestro, pikamatinakawakaichu ena nani te'íkavianapa'i. Ema Jesús majikapawakapa: –Numetaka'e puiti, te namatinapuka ena nani, táitsiwasera étainapa tipiarakaya eta máriana.