Popular Bible Verses from Bliathek 3

Share

Nathek de zo srane Hamangkhung-aphuii shii khid din mage bo, chiihphado, nathek ro layogthek de khung phi phro.

Ji è riig magungde Phithar è aishii yao, “Gu shii ne bang ìujia de oi ro, jimagunde, gu shii nyie um pha ji na shii phi ruii phro: Nazareth pha Isu Masi beng è gu na shii yung phro, na ne jai srane lua mage bo!”

Ji è yung srane Phithar è phawig wad è nong ne aishii chaing ne riu yi. Ji è yao dang pha ji shii ji pha bran pha lai nane laikhimiegthek ne gang rey dang dun ro. Ai ne biung srane awai lai è riu mage ne shan ne lua mua dun. Ji è rey ched mage ne ji pha bran de ithek rog shii Misiahò hà wuii gieng ne lua ne, biung ne Hamangkhung-aphuii shii laso phi.

Ji pha ibeng è sudoh hì pha blu phi ne laikhi-èg pha bran hì ne gang dun ro. Nathek è nyie riig ne thieg phane ai beng shii izai now ne ji mirey ro; Hì ne Isu shii migi now mage ne ji mugang yi ro, Ji ne nawaithek de nyariig mua phro.