Popular Bible Verses from Maarko 5

Share

Yeesu woosa ɗe ne : « Kosi fu kos wirɗiɗ ɗa ɓitɓi, kaɗa moɗoɗ, fu saɓsukohiɗ na miskiɗiŋ ɗa. »

Ŋ ɗooƴ mboolnda, ɓitiɓ nikeen nga, ñif miŋ ɗe meeɗ meeɗ aamuk. A tumiɗ na kosaay keem kiis ndaŋkiyaah na kiis kanak (12). A yaaɓeen lool ŋ yaah paƴoh laayiɗ ; ina a raakee jen a tumeena nga ɓa, waaye a ngisoheeɗi ; a uupeeɗa nga uup kosaay.

Wa a laal kulɓaakaŋ Yeesu, ŋ saasi saasi ñif maŋ ɗe aamkisɗi, a yegga ŋ ɗooƴ ce ne a wiriɗ.

A ammba ɗe ŋ yaah, a woosa ɗe ne : « Talita kumi ! » Wa tokis : "Kuɓki cafƴi, ŋ woo na ɗa, kurka !"

Wa a woyee ineem, ɓi ɓo' pulohha kahan Jayrus, ɓa woosa yeem ne : « Wa etohisɗi fu yaaɓɗe Jangɗohohi, kuɓkiŋ ɗa kaaniɗ. » Waaye Yeesu taambkohɗi woo kaŋ ɓa, a woosa Jayrus ne : « Kina neƴƴoh, kosa rek ! »

A woyiɗ ineem sagu ne Yeesu woyee ɗe ne : « Jiinndi, pula ŋ ƴaarii na hoolaaɗiikiŋ ɗa ! » Yeesu meekissa ɗe ne : « Fu teeku na ? » A loffa ɗe ne : « Lesiyong weɗ tiikiŋ ngo, laayi ɓoo laay, weɗ tah. »