Popular Bible Verses from Macce 13

Share

Ɓinooɓi ɓeɗ paaroh ŋ ini saawu ŋ kehƴi baahiɗi ; ɓeɗ ɓi na kerhe Woo ki, ɓa inah ini wa tokis ; ɓa raak rim, ɓum teemet (100), ɓum ndaŋkiyaah-yasna-yino (60) ɓinooɓi ndaŋkiyaah-kaahay (30). »

Ɓinooɓi ɓeɗ paaroh ŋ ini saawu ŋ ñaaɓaaɓ ci ; ɓeɗ ɓooɓi na kerhe Woo ki, ɓa teyɗuka, waaye liiɓsiɗoh ciŋ Adina na raak-raak ci na njuyohe, amb ɓa po Woo ki minuu rim ali in.

Ɓooɓi kerah woo ki kaɗ ŋ Nguuriŋ-Ɗafki, te ɓa inahɗi ini wa tokis, Seytaani na haye nga ɓa, a kooɗ ini soku ŋ keeñ ciŋ ɓa. Ɓeem, ɓeɗ ini saawu ŋ sereendaŋ waasa.

Ɓinooɓi ɓeɗ paaroh ŋ ini saawu ŋ kehƴi raak atoh ci ; ɓeɗ ɓooɓi na kerhe Woo ki, ɓa jaara teyɗuk na keeñ soosiɗ, waaye ɓa na raakeeɗi niir ŋ haf ɓa, ɓa na maañeeɗi nga. Ɓa raak miskiɗ wala ɓa tolfiɗassee sagu Woo ki ɗah, ɓa ar faɗ.

Ŋ ineem Yeesu woosa taalubeeciŋ ɗe ne : « Nguuriŋ-Ɗafki mand na inii : Wa nikee raak-raak, wa ɗembɗuusa ŋ ɗooƴ yohon, ƴaar hottaa, a ɗembɗissaa. Weɗi a kaɗoh sumoh na sumoh, a toonnda in ca a raakee jen, a rommba yohna. »

Waaye raakka ca keen ŋ keheƴ baahiɗ, ca rimmba cum kuɓu teemet (100), cum ndaŋkiyaah-yasna-yino (60), cum ndaŋkiyaah-kaahay (30). »

faɗaat, ca hun ca yak po ŋ nguɗa. Nguɗa ree ɗah, ŋ hey woye nguɗoh ci ne : ‘Kocaat weɗ nihis, ɗu toka ɗuf ɗuf, ɗu doh ca ; waaye ɗu ɓek tohri ŋ ndapiŋ ngo.’ ” »