Popular Bible Verses from Camba 32

Share

Ƴaara meekissa ɗe ne : « Fu teeku na ? » A woosa ne : « Ŋ teeku Yaŋhooɓa. »

Wa ƴaara kaɗ po, a inahha ne a miniɗɗi Yaŋhooɓa in ŋ lebera, a laɓpa ɗe ŋ rangaƴ ; rangƴiŋ Yaŋhooɓa mukuƴca.

A koc ɓa ƴakaandkiɗ, po ƴutta a degga raak-raakaŋ ɗe nga.

Yaŋhooɓa nammba ɗe meekis : « Fu miniɗ to woo findi fu teeku e ? » A woosa ne : « Wee tah fu meeksee so tiikiŋ ngo ? » Ŋ ineem, a barke'iɗta Yaŋhooɓa.

A tassa ŋ ɗiska kiik ce ; a nikka nga po ƴaar pulla nga ɗe, ɓa neehha leber po ŋ wiisaaɗiina.

Ƴaara woosa ɗe ne : « Faɗ to ŋ coot bala nohi pulan ɗah. » Waaye Yaŋhooɓa woosa ɗe ne : « Ŋ heyɗi ɗa faɗe fu coot ne fu barke'iɗɗi so ɗah. »

Ƴaara woyissa ɗe ne : « Fu teekissuuɗi Yaŋhooɓa. Tiikiŋ ɗa kotii wa Israayel, laam fu hiñohiɗ na Kooh, fu hiñohha na ɓo' te ya fu min. »

Yaŋhooɓa kiimmba Kooh an : « Nikiɗi, Koohiŋ caac Ibrahiima, yi nam nik Koohiŋ baab Isaahha, a fu woyee so ne ŋ dokkaat kur ɓoo, nga ɓi kahan baab ɓoo te fu hey yo ambohe.

Wa noha pul, raak Yaŋhooɓa kurkohiɗ Peni'eel, a yiiɓeeɗa sagu rangƴiŋ ɗe.

Laam a woo ne : « Esaaw keen winoori ɗah, wi tas hey mine fus. »

Mi yi ñaamiŋ ɗa deey, ŋ carɗi baahohi fu baahoh ho na ambi fu amb mbo ; laam, wa maa huuse ŋ kalaŋ Yurdan, ŋ ambee ndooɗ dong ŋ yaah ciŋ ngo te ŋ raakiɗ dal kanak kotii.