Popular Bible Verses from Tum ci 2

Share

Piyeer loffa ɓa ne : « Ɓoƴsohaat pesohaaɗ ! Yaa nu nga ɗu ɗah ɓoktukaat ŋ tiikiŋ Yeesu Kiristaa ne Kooh ɗaas ɗu bakaaɗ ciŋ ɗu te a eɗ ɗu Fuuɗsi Hoolohngaani.

Ɓa genee ŋ sikɗuk jangɗohiŋ Apootar ci. Ɓa jen ɓa mandee na ɓooɓi taambɗoh, ɓa meeɗta ñam yino, ɓa meeɗta hun ɓa kiimee Kooh.

Ɓa jen ɓa riiffa na Fuuɗsi Hoolohngaani, Fuuɗsiŋ Kooh. Ɓa jombeeɗa ŋ ɓi peɗeem wiiriis findi Fuuɗsi Hoolohngaani onoh ɓa ne ɓa woo.

Ɗekka po ɗuuɗ pulohha Eel ci findi ɗuuɗ puuɗis yakak. Wa riiffa kahna ɓa nikohee del. Ŋ ineem, ɓa hotta ɓi in haa peɗeem, findi jaal yongkaah. Ca paysukohha, ca degukka ŋ yaa nu nga ɗah. Ɓa jen ɓa riiffa na Fuuɗsi Hoolohngaani, Fuuɗsiŋ Kooh. Ɓa jombeeɗa ŋ ɓi peɗeem wiiriis findi Fuuɗsi Hoolohngaani onoh ɓa ne ɓa woo.

Kooh-nu-wiis, ɓa meeɗ coh ŋ Kahan Kooh ; ɓa hunnda, ɓa ɓaaheeɗa kañam ŋ kahan caŋ ɓa, ɓa ñameeɗa kañam caŋ ɓa na keeñ soosiɗ na eɗef. Ɓa yakɗeeɗa Kooh, ɓooɓa jen neɓuusa nga ɓa. Kooh-nu-wiis ɗah, Heɗi ɓaat ɓa mucɗuuɗ wiiriis.

“ Kooh woo ne : ‘Ŋ mbeh ci mirndoh ŋ Adina, ŋ hey pasarohe Fuuɗsiŋ ngo ngaŋ ɓooɓi jen. Kuɓuuciŋ ɗu, ƴaar na ɓitiɓ, hey woye findi woosuuɗ. Fiir ci hey hote in ci ŋ teeɓ ɓa te yaɓkoociŋ ɗu hey ca heeƴe.

Kosiɗ ca jen nikka yino, ɓa ɓaahha in ca ɓa raakee jen. Ɓa tooneeɗa kahan caŋ ɓa na raak-raak caŋ ɓa, ɓa paysohha kopora ŋ harmban ɓa, yaa nu nga eɗuusa in hend na ini a etoh.

Teemb ndeem yaa nu ɓeeɗuk Heɗi ɗah, a hey mucɗasse.’ ”

Nohi hey ñuuse tuɗ, caɓni ruumind findi ñif bala mbehiŋ Heɗi hayan, mbehi yakki hun na ndam.