Popular Bible Verses from Marko 14

Share

Amu na ɔ́su ɔnini, “Ati, mina Ɔti! Akana na abla lɛla biala. Si átuna ni, na aƒɔ lɛbibo ɔɔƒɛɛ ɔmɛni na mina kudɔ. Nsu ni, tabla mina lɛyɔla, mmomu bla ƒula lɛdi.”

Amu na ɔ́su-ma lɛnɔ ɔnini, “Bilie bitaagyumana na bitaakpali katɔ kalɛ na bileduo bukpoku taanu kpakplaa kemmo. Kɔyu kɔɔyɔ́ ka kɔbla, nsu ɔlɔna use kpɛtɛ kpɛtɛ.”

Na muute-mii bɔti sɔsɔ ka kesi kesii na badubɔkɔ lɛsa na Katɔti litemi buni lɛlɔ na kayawi kamɛni ƒui ni, badubuti lɛla lɛni na uleku ɔmɛni ɔ́bla mɛni basu batina na beti beteenyimo-nwu.”

únwini na ɔ́su-ma ɔnini, “Muunú ɔlɛ na mina kɔyu kemmo geen aani si bukpi nda. Bɛsɔ binye mɛni na bitaagyumana.”

Uwi ɔni na badaku bɔdi ni, Yesu úti bodobodo ɔdi. Na ka ɔ́gya Katɔti enu ɔ́wɔlɔ ni, ɔ́bwɛ-nwu kɔkɛ kɔkɛ na úle úte nwuna batɛyane. Na ɔ́su-ma ɔnini, “Bɛƒɔ ɔmɛni na bɛdi. Ɔmɛni ndi mina ɔlɔna.”

Amu na úti ɔɔƒɛɛ ɔdi, na ka ɔ́gya Katɔti enu ni, úti úte-ma na báni. Na ɔ́su-ma ɔnini, “Ɔmɛni ndi mina ubugya ɔni na ndubuti liwiakun na bekyuli pii lili, na ɔsɔ ɔdi bunyimi bɔwɔdi na bayawine ku Katɔti ntɛ.

Mmɔ ni, Yesu ɔ́su nwuna batɛyane ɔnini, “Bina ƒui bɛdubukeli-mi. Ɔsika Katɔti ɔ́su na Bunweni Kedee Ɔku kemmo ɔnini, “ ‘Ndubɔdu baƒonu ɔdane, na nwuna baƒonu badubugyingya.’

Bɛta na buteesie butásiaku-ma. Bɛɛnu ukyuli ɔni nákya-mi kakya ka ɔtɔnku-ma.”

Yesu ɔ́su Petro ɔnini, “Mɔɔsu-ɔ geen ka asa na akɔkɔ ɔdubute kenye kunyɔdi ɔmwi lɛdigye lɛmɛni ni, awɔ ɔlati adubɔsu kɔtɛ ƒui ka aaagyi-mi.”