Popular Bible Verses from Luka 11

Share

Ina ka bɛdi alaekpidi bablane ni, bɛgyi kalɛ na biti ala abuni bite bina bebi. Amu na Ati ɔni nkya katɔ nɔɔ? Bi ɔsu na uleti nwuna Kɔyu ulete bekyuli bani muuvele-nwu?”

“Anwuɔsu mɔɔsu-mii nnii bivele Katɔti na ɔdubuti ute-mii, bɛwia na bɛdubɔkɛ, bibo kɔnu kegbuta na ɔdubɔlɛmi ute-mii.

Ɔsika ukyuli biala ɔni muuvele Katɔti ni, uute-nwu. Na ukyuli biala ɔni mɔɔwia lɛla lɛdi ni, ɔɔkɛ́-ni. Na ukyuli biala ɔni muubó kɔnu kegbuta ni, Katɔti ɔɔlɛmi teete-nwu.

Amu na Yesu ɔ́su-nwu ɔnini, “Si bɛɛkpali katɔ ni, na bɛsu bɛnii, “ ‘Ati, balɔ-ɔ lɛnyi buni. Ƒula lɛga kadikɔ kebo-bu akɔ. Babla ƒula lɛƒɔyɔ na kalɔ lɛlɔ aani kalɛ na use na katɔ.

Na eti bula alaekpidi akyiɛ-bu, ɔsika abu lɛnɔ buuti taakyiɛ ukyuli biala ɔni mɔɔƒiɔ́-bu. Na taya na buduo bukpoku taanu kemmo. Na edie-bu alɛku alaekpidi akɔ.’ ”

Te-bu bula limeyi adila limeyi ndi limeyi.

Buse na ukyuli anumi ese aani asogya ute nwuna ɔlɔna. Si anumi aanu-ɔ kaduɛ ni, awɔ ukyuli umodi ɔmmɔ ni, use-ɔ nwaa ɔ́ka ɔ́mana. Nsu si ƒula anumi aaadia ni, agyi anii awɔ ukyuli ɔmmɔ akya lɛdisa kemmo.

“Ukyuli ɔdi ulátu asogya na uuti taabɛla iye ubi-nwu ala. Mmomu buti na uuti taasia likpo lɛni na bekyuli bani muuduo mmɔ banu nwaa.