Popular Bible Verses from Yohane 19

Share

Ka Yesu ɔ́ni ntɛ bɔmmɔ ɔ́wɔlɔ ni, ɔ́su ɔnini, “Ɔƒɛni amu ɔ́sa!” Ka ɔ́su lɛni ɔ́wɔlɔ ni, ɔ́kya lili kalɔ na ɔ́yula.

Yesu ɔ́ti ka ɔƒaani ni, ɔ́ɔwɔlɔ lɛla biala na ɔlɛka ɔbla. Na kalɛ na Bunweni Kedee Ɔku kemmo ala ani bénweni bése ebo ete lɛni ɔsu ni, Yesu ɔ́su ɔnini, “Utukwɛ ɔɔda-mi.”

Yesu ɔ́nu uni ku nwuna ɔtɛyane ɔni na ɔɔyɔ́ geen ka benye. Anwuɔsu ɔ́su uni ɔnini, “Nna, aanu ƒ'ubidi.” Amu na ɔ́su ɔtɛyane ɔmmɔ lɛnɔ ɔnini, “Aanu ƒ'ini.” Anwuɔsu ɔ́si uwi ɔmmɔ ni, ɔtɛyane ɔmmɔ ɔ́ƒɔ-nwu úsienku kaduli na ɔɔnu-nwu lɛlɔ.

Nsu ka bébedu Yesu kudɔ ni, bánu ka úukpi. Anwuɔsu anwu ni, bátaƒɛ-nwu lɛgba. Mmomu ukpone unwi ɔ́tu-nwu ɔƒɛnyi ɔ́ƒuala ku nwuna lɛtula. Na mmɔ mmɔ ni, ubugya ku ntu bɔ́lɛ.

Bábla ala amɛni ƒui kalɛ na Bunweni Kedee Ɔku kemmo etemila ebo ete lɛni ɔni na bénweni banini, “Nwuna likubi linwi muedi balaƒɛ-ni.” Na bénweni lɛla bamba lɛnɔ banini, “Bekyuli badubɔnu anwu ɔni na bátu-nwu lɛtula ɔƒɛnyi mmɔ.”

Anwuɔsu bekpone bammɔ bákpanku Yesu bátɔlɔku. Na báya na anwu ɔlati uti ugyii ɔni lɛlɔ na badubo-nwu bɔkana bɔmana mmɔ. Na báyu ulu bésie kesii kani baalɔ banii Opokuo kalɔ. Na Hebri lɛdi kemmo ndi Golgota.

Na bekpone bammɔ béti liyu kagba bédi kabwa na béti bébi-nwu lili. Na béti awu ugyiedi gyɔlɔɔ ɔdi aani ɔga kalɛ bákya-nwu.