Popular Bible Verses from Yohane 17

Share

Bla-ma kedee te ƒula lɛlɔ ɔkɛnku ƒula etemila geen ani na bénu lɛlɔ. Ɔsika ƒula litemi lɛdi litemi geen.

Na ngba bɔni nsɔ naaadubo bɔsa kudii mɛni kalɔ ndi ka bekyuli bamɛni bati awɔ, na bati ka awɔ lɛti pɛ ndi Katɔti geen ɔmmɔ, na bati ami Yesu Kristo ɔni na átala.

“Ɔɔɔdi ama lɛti lili na mɔɔkpali-ɔ teevele lɛla lɛdi. Mmomu ku bekyuli bani ƒui ndubɔƒɔ-mi badi ɔkɛnku ƒula litemi buni lɛni badubɔsu-ma kemmo lili lɛnɔ na muuvele. Ati, muuvele ka aya na bana ƒui babla unwi aani kalɛ kani na awɔ eliku-mi na ami lɛnɔ nliku-ɔ. Ya na belieku-bu kalɛ na kayawi bekyuli baƒɔ badi ka awɔ nátala-mi.

“Na ɔɔɔdi buvele na nda-a nnii da-ma die kayawi kamɛni kemmo. Mmomu buvele na nda-a ka agyumana-ma alɛku ukisine ɔmmɔ enu kemmo.

“Líte-ma lɛnyi buni lɛni na éte-mi kalɛ na bana ƒui babla unwi kalɛ kani na ami ku-ɔ bɔdi unwi. Ami nliku-ma, na awɔ eliku-mi. Ya na babla unwi bawɔlɔ kalɛ na kayawi bekyuli banu bati ka awɔ nátala-mi, na aayɔ́-ma kalɛ kani na aayɔ́-mi.