Popular Bible Verses from MATAIO 7

Share

“Akai atu, kae ka tuku mai ki a koutou; salasala atu, kae ka maua ne koutou; tukituki atu, kae ka 'tala mai ki a koutou.

So se tino e akai atu, e tuku mai ki a ia; a ia tela e salasala atu, e maua ne ia; a ia foki tela e tukituki atu, e 'tala mai ki a ia.

“So se tino e fakalogo ki aku muna kae fai ne ia, e fakatusa ne au ki se tino poto tela ne faite tena fale i luga i te kaupapa

“E pela mo te mea e ma'nako koutou ke fai atu ne nisi tino ki a koutou, ke fai foki eiloa ne koutou pena ki a latou, me tenei te uiga o te Tulafono a Mose mo akoakoga a pelofeta.”

Ka ko te mataloa mataliki e faigata te auala e tau atu ki te ola, e timomo foki a tino e maua ne latou.”

“Ulu atu koutou ki te mataloa mataliki; me i te mataloa mataefa e faigofie ei te auala e tau atu ki te malaia, e tokouke foki latou kola e olo atu i ei.

Tela la, kafai koutou e ma'sei, kae e iloa ne koutou o tuku atu a mea 'lei ki otou tama'liki; e a, e se sili atu la te otou Tamana i te lagi, i te fia tuku atu o mea 'lei ki tino kola e akai atu ki a ia?

“Sa fakamasino atu ki nisi tino, ko te mea ke mo a e fakamasino koutou ne te Atua. Me ko te fakamasinoga e fakamasino atu ei koutou, e fakamasinogina ei koutou; ko te fua foki e fua atu ne koutou, e toe fua mai ki a koutou.

“So se tino foki e fakalogo ki aku muna kae se fai ne ia, e fakatusa ki te tino valea ne fakatu tena fale i te one

Se a te mea e kilo atu ei koe ki te potu lakau i te mata o tou taina, kae se iloa ne koe a te potu lakau i tou mata? E mafai pefea o fai atu koe ki te sua tino, ‘Fakamolemole, ke seu ne au a te potu lakau i tou mata,’ kae kiloke, e iai foki te potu lakau i tou mata?

“Ke fakaeteete koutou i pelofeta 'loi kola e o'mai ki a koutou i amioga fakamamoe, ka ko olotou loto ko fekai eiloa e pela mo ne luko. E iloa ne koutou a latou i olotou fua. E a, e mafai o tau mai a vine mai lakau makai'kai io me ko mati mai lakau talatala?

Tela la, a te lakau 'lei e fua mai ei fuaga 'lei, ka ko te lakau masei, e fua mai ei a fuaga ma'sei.

A te lakau 'lei e se mafai o fua mai ei ne fuaga ma'sei, io me ko te lakau masei ke fua mai ei ne fuaga 'lei.

Ko lakau katoa kola e se fua mai ei ne fuaga 'lei, e tua kae 'pei ki te afi.